ekologik holatni qayta tiklash va boshqa antropogen ta’sirlarni bartaraf qilishning
eng zamonaviy chora-tadbirlarini va yechimlarini ishlab
chiqishda tahlilning mos
instrumental metodlarini tanlash, qo’llash va amalga oshirish,
tashqi muhit
namunalarini xujjatlashtirish va saqlashni, asbob-uskunalardan foydalanish va
ularni texnik-ekspluatatsiya talablariga
mos ravishda saqlash, tashqi muxit
tarkibiy qismlarini sifatiy va miqdoriy tahlil qilishni hamda olingan natijalarni
statistik qayta ishlash va yuqori tashkilotlarga taqdim
qilish va boshqa shunga
bogliq bo’lgan
ko’nikmalarga ega bo’lishi kerak.
“Tahlilning instrumental usullari” fanidan o’quv qo’llanma O’zbekistonda
birinchi marta taqdim etilmoqda. Bunga sabab u keyingi 2-3 yildan beri endigina
mustaqil fan sifatida talabalarga o’qitila boshlandi. Hozirgacha o’quv jarayonida
turli yaqin va uzoq xorijiy mamlakatlarda chop etilgan tarqoq materiallardan
foydalanilib kelindi. Qo’llanmani yozishda respublikamiz olimlari bilan bir
qatorda asosan etakchi xorijiy tadqiqotchilar tomonidan
ham yozilgan asarlar
ma’lumotlaridan foydalanildi. Qo’llanmani yuqorida zikr etilgan mavjud
adabiyotlardan farqi shundaki, unda tahliliy kimyo instrumental usullarini asosiy
guruxlari bo’yicha ma’lumotlarni ixchamlashtirib va iloji boricha oddiy va
tushunarli qilib yozishga harakat qilindi. Bundan
maqsad - kimyo fanidan
unchalik chuqur bilimlarga ega bo’lmagan, lekin ekologiya va atrof—muhit
muxofazasi, ishlab-chiqarishda va nazorat organlarida tashqi muhit va maxsulot
sifatini nazorat qilish sohasida ishlaydigan mutaxassislarga tahlilning
instrumental usullari nazariy va amaliy asoslarini qisqa va lo’nda qilib
tushuntirishdir.
Qo’llanma asosan oliy va o’rta maxsus o’quv
yurtlari nokimyoviy
mutaxassisliklar yo’nalishlari bo’yicha ta’lim oluvchilar uchun mo’ljallangan.
O’quv qo’llanmadan faqat talabalar emas, balki magistrlar, ilmiy xodimlar va oliy
ilm dargohlarida dars berayotgan o’qituvchilar ham foydalanishlari mumkin.
Kitobning uslubiy sifatini yaxshilashga qaratilgan fikr-mulohazalar muallif
tomonidan mamnuniyat bilan qabul qilinadi.
