Bul oyındıń sorawlardi tarqatıw, sorawlardı oqıw, olardı tekseriw hám
analiz qılıw ushın 15 minut jumsawı zárúr. Juwaplardı tekseriw hár bir oqıwshınıń
partalasina júkletiledi. Keyin oqıtıwshı olardı demde jıynap aladı.
Úy jumısın qabıl etip alǵan oqıtıwshı endi jańa temanı baslasa boladı. Atom
fizikasi bólimin baslawdan aldın sol temaǵa tiyisli baslanǵısh túsiniklerdi tákirarlaw
zárúrshiligi payda bolıwadı. Bunday halda bayanatshı “Túsinikler analizi” metodı
arqalı
elektron, proton, neytron, atom, molekula, element sıyaqlı túsiniklerdi
oqıwshılar menen birme-bir tariypleb shıǵıwǵa erisedi hám lekciya tıńlawshılarınıń
shınıǵıw dawamında kerek bolatuǵın atamalardı este saqlawları ushın talay járdem
beredi. Mısalı, oqıtıwshı bul metodtı sabaq procesiniń dástelbki 5 minutı
ishinde
ámelge asıradı dep oylayiq.
