Pedagogikalıq texnologiyalardan atom fizikasin oqıtıwda paydalanıw usılları
haqqında maǵlıwmat jetkiziw.
Kurs jumısınıń kólemi: Kurs jumısı 28 betten ibarat bolıp : kirisiw, tiykarǵı
bólim, juwmaq, paydalanılǵan ádebiyatlar dizimi.
TIYKARĞÍ BÓLIM
2. 1. Fizika páni táliminde pedagogikalıq texnologiyalardıń ornı hám áhmiyeti
«Kadrlar Milliy programmasında» tálim sistemasına aldıńǵı pedagogikalıq
texnologiyalardı engiziw zárúrligi kóp márte tákirarlanadı. Pedagogikalıq
texnologiyalardıń ózi ne hám ol dástúriy tálimnen nesi menen parıq etedi? Házirgi
kúnde pedagogikalıq ádebiyatlar, tálim máselelerine
tiyisli lekciyalar, rásmiy
hújjetlerde «Jańa pedagogikalıq texnologiya», «Aldıńǵı pedagogikalıq texnologiya»,
«Progressiv pedagogikalıq texnologiya» «Zamanagoy tálim texnologiyasi» sóz
dizbekleri keń qollanılıp atır. Biraq «Pedagogikalıq texnologiya» túsinigi ele de bir
qálipke túsirilmegen, ensiklopediyalarda anıqlama bergeni de joq, onıń mazmunın
birden-bir kórinisi islep shıǵılmaǵan hám sonıń ushın sóz dizbeginiń
bir-birinen
parıqlanıwshı kóplegen táripleri bar. Respublikamızdıń pedagogika salasındaǵı alım
hám ámeliyatshıları ilimiy tiykarlanǵan hám de Ózbekstannıń social -pedagogikalıq
sharayatına maslasqan tálim texnologiyaların jaratıw hám olardı tálim-tárbiya
ámeliyatında qollawǵa háreket etpekteler. Al, nege jańa pedagogikalıq texnologiyalar
zárúr bolıp qaldı?
