2. Fanning maqsadi va vazifalari
Fanni o‘qitishdan maqsad – axborotni yig‘ish, saqlash va qayta ishlash, uzatishning asosiy tamoyillarini dasturlash tillari orqali o‘rganish. Shuningdek, zamonaviy axborot tizimlarini yaratish va ularni yaratish usul va texnologiyalarini o‘rganish. Turli texnik bilimlarga oid masalalarni zamonaviy dasturlash tillari yordamida hal etish va ularning usullarini o‘rganishdan iborat.
“Algoritmlarni loyihalash” fanining mohiyati, uning asosiy tamoyillari va vazifalari – talabalarni algoritmik bilimlarni rivojlantirishdir. Bunga erishishda zamonaviy dasturlash tillari imkoniyatlaridan foydalaniladi.
Fanning vazifasi – uni o‘rganuvchilariga:
- algoritm va uning turlaridan foydalanish ko‘nikmalarini;
- sanoq sistemalari va ularni qo‘llanilish usullarini;
- dasturlash tillarining qo‘llanilish sohalarini;
- dastur tuzilishi va alifbosini;
- o‘zgarmas va o‘zgaruvchilar, ma’lumot tiplarini qo‘llanilish usullarini;
- matematik va mantiqiy amallarning qo‘llanilish usullarini;
- kiritish - chiqarish operatorlarini qo‘llanilish usullarini;
- tarmoqlanuvchi va takrorlanuvchi jarayonlar uchun apgoritmlar hamda dasturlar tuzishni;
- funksiya va kutubxonalarni yaratishni hamda ulardan foydalanishni;
- massivlar, belgilar va satrlar bilan ishlashni;
- fayllar bilash ishlashni uzviylik va uzluksizlik asosida o‘rgatishdan iborat.
3. Fanning o‘quv rejadagi boshqa fanlar bilan o‘zaro bog‘liqligi va
uslubiy jixatdan uzviyligi
“Algoritmlarni loyihalash” fani “Хисоб (Calculus)” va “Dasturlash I” faniga asoslanib, Dasturlash II, Ma’lumotlar bazasi, Kiberxavfsizlik asoslari, Ma’lumotlar tuzilmasi va algoritmi, Diskret tuzilmalar, Kompyuterni tashkillash, Web dasturlashga kirish, fanlariga esa - asos bo‘lib xizmat qiladi.
4. Fanning ilm-fan va ishlab chiqarishdagi o‘rni
“Algoritmlarni loyihalash” fani yordamida jamiyat rivoji uchun muhim bo‘lgan axborot tizimlarini ishlab chiqish, ularga xizmatlarni ko‘rsatish faoliyati uchun fundamental fan bo‘lib, zamonaviy dasturlashning bazaviy tushunchalarini berishdan iborat. zamonaviy Algoritmlarni loyihalash, Elektron Hukumat loyihalariga tadbiq etish bo‘yicha olgan bilim va ko‘nikmalari natijasida, axborot texnologiyalaridan foydalangan holda ishlab chiqarishni rivojlantirish uchun lozim bo‘ladigan dasturiy majmua va ta’minotlarni samarali, ratsional va sifatli loyihalash va ishlab chiqishda ishtirok etishi mumkin.
|