Rasm 3. Yumshoq dori turlarini biosamaradorligini teng muvozanatli dializ ( Kruvchinskiy) usuli bo‘yicha aniqlash

1- dializ muhit quyish uchun shisha idish; 2-termometr; 3-dializ nayi; 4-namunalarni taxlilga olish uchun pipetka; 5- yarimo‘tkazuvchan sellofan membrana

Dorivor moddalarni surtmalardan ajralib chiqish tezligini aniqlash uchun belgilangan vaqt oralig‘ida muhitdan namunalar olinib, maxsus formula orqali dori moddani necha foizi yoki gramm miqdori muhitga o‘tgani aniqlanadi va maxsus chizmalar yoki jadvallar tuziladi.

Membrana sifatida sellofan plyonkasi qo‘llanilishi mumkin.Surtmalarning biosamaradorligini in vivo usulida baxolash in vitro usullari yordamida surtmalarning biosamaradorligini to‘liq baxolanishi imkoniyatini bermaydi.

Shuning uchun in vivo usullari qo‘llaniladi.Ularning bir necha turlari ishlatiladi.

1. So‘rilgan dori moddalarni miqdorini aniqlash. Odamning yoki hay-vonlarning terisiga belgilangan miqdorda surtma surtiladi va shu joyga bosim / 100 mm simob ust / ta’siri ko‘rsatiladi.

Teri ostiga so‘rilgan moddalarning miqdori surtma namunalarining qoldig‘i bo‘yicha aniqlanadi/ ya’ni teriga surtilgan surtmani namunasini va so‘rilmagan qoldig‘ining ayirmasi bo‘yicha /.

1. 
   Gistologik tekshirishlar bo‘yicha.
   

Shamchalarning biosamaradorligini aniqlashda ham turli usullar qo‘llaniladi. Ulardan asosy ta’sir etuvchi moddalarning membrana orqali diffuziyasiga asoslangan. Membrana sifatida sellofan, " SARTORIUS " firmasining membranasi /teri modeli/ qo‘llaniladi.

Aniqlash uchun shamcha maydalaniladi va 3 g dan tortib olinadi va dializ kamerasiga joylashtiriladi.Dializat 37⁰S haroratda bo‘lishi kerak. Dializat aralashtirib turiladi. Aniqlashni 6 soat davomida olib boriladi. Dializatga ajralgan dori moddalar miqdori tegishli fizik-kimyoviy usullar bilan aniqlanadi.