| Gomeopatik essensiyalarni 3-band bo‘yicha tayyorlash. Gomeopatik farmakopeyasining qo‘rsatmasiga binoan, agar o‘simlik smola, moylari va kamfora birikmalarini saqlasa va, maydalab press orqali siqilganda, 60% dan kam shira bersa, undan essensiya 3 - band bo‘yicha tayyorlanadi.
Bunda essensiya quyidagicha tayyorlanadi: maydalangan o‘simlik tortilib, unga 90%li spirt miqdorining yarmicha solinadi va yaxshilab aralashtirib bo‘tqa hosil qilinadi. Shu bilan birga, shiraning miqdori yuqorida keltirilgan usul orqali hisoblab chiqiladi va yana 90% spirt qo‘shiladi. Spirt,hisoblangan shiraning ikki barobar miqdorigacha solinadi (bo‘tqani hosil bo‘lishiga sarflangan spirt ham shuning ichida), massa aralashtiriladi va 8-14 kunga matseratsiya uchun qoldiriladi. Keyin suyuqlik ( ajratma) alohida idishga quyiladi, massa esa yana press yordamida siqiladi va hosil bo‘lgan ajratmalar qo‘shilib 8 kunga salqin joyda tindirish uchun qoldiriladi va so‘ng filtrlanadi.
Essensiya tiniq bo‘lishi kerak va undagi dorivor moddaning miqdori 1/3 ga bo‘ladi. Hosil bo‘lgan essensiyadan spirtli tinktura olish uchun 3 qism essensiyaga 7 qism 60% li spirt qo‘shib aralashtiriladi. Olingan tinktura 1-nchi o‘nlik suyultirishga to‘g‘ri keladi.
|
