215
Yuqorida o’simlik moylarini chuqur gidrogenlash uchun asosiy katalizatorlar
tarkibi berilgan. Biroq, promotorlovchi qo’shimchalarni tanlash va ularning
miqdoriy ko’rsatkichi yog’larni katalitik gidrogenlash texnologiyasini baholash
uchun muhim belgi hisoblanmaydi. Shu sababli kerakli fizik-kimyoviy
ko’rsatkichlarga ega gidrogenizat olish imkonini beruvchi texnologik omillarni,
yog’larni gidrogenlashning kinetik qonuniyatlariga ta’sirini o’rganish zarur bo’ladi.
Adabiyotlar tahlilini ko’rsatishicha, mustaqil texnologik omillarni
gidrogenizatning sifat ko’rsatkichlariga ta’siri to’g’risida biroz qarama-qarshi fikrlar
va noaniqliklar mavjud. Bundan tashqari, xar bir omilning optimal qiymatini
aniqlash lozim bo’ladi.
Gidrogenlash tezligi va gidrogenizatlarning fizik-kimyoviy ko’rsatkichlariga
texnologik parametrlar, jumladan jarayon harorati, vodorod bosimi, ortiqcha
vodorod berishning hajmiy tezligi, berilayotgan xom ashyoning hajmiy tezligi,
kolonna rusumidagi gidrogenlash reaktoridagi katalizator qatlamining balandligi va
uning diametri nisbati (N:D) katta ta’sir ko’rsatadi(17.3-jadval).
