| III. HISOB-KITOB TARTIBI
3.1. «BUYURTMACHI» to‘lovni amalga oshirishdan oldin ommaviy oferta shartlari bilan tanishib chiqadi va tasdiqlaganidan keyin, o‘zining bank hisobraqamidan yoki unda hisobraqam mavjud bo‘lmasa, bank tranzit hisobraqamlariga naqd pul topshirish yoki plastik kartochka orqali to‘lov amalga oshiradi.
3.2. Mazkur shartnomaning 1.1 bandida keltirilgan masofadan malaka oshirish o‘quv kursi narxi bir nafar talabgor (tinglovchi) uchun 440 000 (to’rt yuz qirq ming) so‘mni tashkil qiladi.
3.3. «BUYURTMACHI» tomonidan ommaviy oferta shartlarini qabul qilgan (tasdiqlagan) kundan boshlab 5 (besh) bank ish kuni davomida shartnomaning 3.2-bandida keltirilgan umumiy summaning oldindan 100% to‘lovi amalga oshirilgandan keyin «IJROCHI» tomonidan 2.7-bandiga asosan masofaviy ta’lim portalidagi shaxsiy o‘quv kabinetiga kirish uchun login va parol taqdim qilinadi.
3.4. Mazkur shartnomaning 2.10, 5.1.3 va 5.1.4-bandlariga asosan malaka oshirish kurslaridan tinglovchi chetlatilganda, malaka oshirish uchun “BUYURTMACHI” tomonidan «IJROCHI» ning hisobiga o‘tkazilgan pul mablag‘i «BUYURTMACHI» ga qaytarilmaydi.
3.5. «BUYURTMACHI», mazkur shartnomaning 2.10, 5.1.3 va 5.1.4 bandlari asosida malaka oshirish kurslaridan chetlatilgan tinglovchining keyinchalik malaka oshirish uchun navbatdagi masofaviy malaka oshirish davrini tanlaydi va shu orqali kurslarga qatnashadi.
3.6. Masofadan o‘quv kurslarini tashkil qilish bilan bog‘liq harajatlar oshishi munosabati bilan o‘quv kurslarining narxi oshirilganda, «BUYURTMACHI» tomonidan oshgan farq summani mazkur shartnomaning 3.5-bandidagi mustasno hollarda 100 foiz
3.1-bandida nazarda tutilgan to‘lov shakli bo‘yicha «IJROCHI» ning bank hisob raqamiga 5 (besh) kun muddat ichida to‘lab berish shart.
3.7. Masofadan o‘quv kurslarini tashkil qilish bilan bog‘liq harajatlar oshishi munosabati bilan malaka oshirish kursining narxi oshgan hollarda «BUYURTMACHI» tomonidan masofadan malaka oshirish o‘quv kursi narxi oshmasdan oldin to‘lovni amalga oshirgan bo‘lsa to‘lov amalga oshirilgan sanadan boshlab 3 oy davomida o‘zgarishsiz qoladi.
| 