International Conference on Developments in Education
Hosted from Amsterdam, Netherlands
https:
econferencezone.org June 8
th
2022
94
TRANSMILLIY KORPORATSIYALAR FAOLIYATINING
IQTISODIYOT UCHUN AFZALLIKLARI
Kimsanboyeva Maftuna Bahodirovna
maftunabahodirovna2525@gmail.com
Toshkent moliya instituti
“Moliya-kredit” kafedrasi o’qituvchisi
Annotatsiya:Transmilliy korporatsiyalar faoliyatining iqtisodiyot uchun afzalliklari haqida nazariy
ma’lumotlardan iborat.
Kalit so’zlar: transmilliy korporatsiyalar, milliy ishlab chiqarish, xalqaro valyuta munosabatlari, xalqaro
lizing munosabatlari
BENEFITS OF TRANSMITTED CORPORATIONS FOR THE
ECONOMY
Kimsanboeva Maftuna Bakhodirovna
maftunabahodirovna2525@gmail.com
Teacher of Tashkent Financial Institute
Annotation: Contains theoretical information on the economic benefits of transnational corporations.
Keywords: transnational corporations, national production, international currency relations, international
leasing relations
KIRISH
Jahon iqtisodiyotida globallashuv jarayonlarining kuchayib borishida transmilliy korporatsiyalar muhim o’rin
tutadi, ya’ni aynan transmilliy korporatsiyalar globallashuv jarayonlarini harakatga keltiruvchi kuch sifatida
qaraladi. Chunki, transmilliy korporatsiyalar filiallarining dunyo mamlakatlari bo’ylab tarqalishi,
mazkur
mamlakatlar iqtisodiyotida ishlab chiqarishni rivojlanishiga hamda eksport hajmining oshishiga olib keladi.
Eksport-import operatsiyalarining rivojlanishi esa, o’z navbatida mamlakatlar iqtisodiyotining ochiqligini
ta’minlaydi. Transmilliy korporatsiyalarda kapitalining
harakati, odatda,
korporatsiya joylashgan davlatda bo’layotgan jarayonlardan mustaqil ravishda
sodir bo’ladi.
Jahon iqtisodiyotida transmilliy korporatsiyalar yirik investitsiya va yuqori malakali mutaxasislarni talab
qiluvchi yuqori texnologiyali, ilmtalab sohalarga kirib boradi. Ushbu sohalarni
transmilliy korporatsiyalar
tomonidan monopoliya qilish tendentsiyasi ro’y bermoqda.
Asosiy qism:
Transmilliy korporatsiyalar o’rtasidagi birlashish va qo’shib olishlar kompaniyalarning mehnat, ilmiy-texnik
va moliyaviy resurslarini birlashtirish hisobiga raqobat afzalliklariga erishishga yo’naltirilgan. Shuningdek,
ishlab chiqarishni kengaytirish hisobiga iqtisodiy samaraga erishish, yangi bozorlarga kirish,
ishlab
chiqarishni diversifikatsiyalash, yangi aktivlardan foydalanish va boshqalarga ega bo’lish imkoniyati yuzaga
keladi. Shuningdek, transmilliy korporatsiyalar o’rtasidagi birlashish va qo’shib olishlar jarayoni jahon
iqtisodiyoti hamda milliy iqtisodiyotlar rivojlanishiga ta’sir etuvchi muhim omil bo’lib hisoblanadi.
Bu holat
o’z navbatida transmilliy korporatsiyalarning barqaror faoliyat ko’rsatishiga ham ta’sir ko’rsatadi.
Transmilliy korporatsiyalar xalqaro moliya munosabatlari rivojlanishida muhim o’rin egallaydi. Chunki,
aynan transmilliy korporatsiyalarning faoliyati orqali butun dunyo bo’ylab investitsiyalar oqimi harakat qiladi.
