|
Ta`rbiyanin` uliwma metodlari xa`m olardin` klassifikatsiyasi
|
| bet | 63/97 | | Sana | 13.01.2024 | | Hajmi | 450,29 Kb. | | #136582 |
Bog'liq Uliwma pedagogika-fayllar.orgTa`rbiyanin` uliwma metodlari xa`m olardin` klassifikatsiyasi. Metod-bul jol, alg`a
qoyilg`an maqsetke erisiw joli. Ta`rbiya metodi ta`rbiyashinin` xa`m ta`rbiyalawshilar
kollektivinin` ta`rbiyaliq jumislardi a`melge asiriw isinde alip barilatug`in birgeliktegi, bir-biri
menen baylanisli xizmetlerinin` joli xa`m usillari bolip esaplanadi. Basqasha so`z benen
aytqanda mug`allim xa`m oqiwshilardin` xizmetleri menen baylanisli, og`ada quramali
kompleks. Xa`r bir metod bul o`z aldina instrument. Onin` ja`rdemi menen ta`rbiyashi
oqiwshinin` minez-qulqina, sanasina xa`m sezimine ta`sir etedi. Olardin` xa`r qiyli xizmetlerin
sho`lkemlestiredi. Metod-oqiwshilar xizmetin basqariwdi ta`miyinleydi. Oqiwshilardi o`zin-o`zi
ta`rbiyalawg`a ma`jburleydi. Jeke adamnin` rawajlaniw ta`replerin xoshametleydi.
Ta`rbiya
protsesi
bir
ta`repten
ta`rbiyashilardin`
o`z
ta`rbiyalaniwshilarina
sho`lkemleskenlik penen bir maqsetke bag`darlanip ta`sir etiwi, al ekinshi ta`repten
ta`rbiyalaniwshilardin` sho`lkemleskenlik penen bir maqsetke bag`darlang`an xizmeti bolip
esaplanadi. Ta`rbiyanin` bul eki ta`repi, isendiriu, shiniqtiriw xa`m u`lgi -o`rnek metodlarina
tuwra keledi xa`m bul metodlar bir neshe usillarda a`melge asiriladi. Bunnan tisqari ta`rbiyanin`
ja`rdemshi metodlari sipatinda xoshametlew xa`m jazalaw metodlarida qollaniladi. Bul
ja`rdemshi metod ta`rbiyalaniwshilardin` unamli ta`replerin taliqlaw maqsetinde qollaniladi.
Ta`rbiyanin` tiykarg`i qurallari xa`m usillari. Pedagogikliq a`debiyatta ta`rbiya metodi
termini menen bir qatarda ta`rbiya qurallari terminide qollaniladi. Ta`rbiya qurallari tar
mag`anada tusinilgende og`an kitaplar, kinofil`mler, iskusstva shig`armalari xa`m basqada
ta`rbiya protsesinde qollanilatug`in usig`an uxsas na`rseler kiredi. Mug`allimnin` janli so`zide
ta`rbiya qurali bolip esaplanadi. Uliwma ta`rbiyaliq waziypalardi sheshiw u`stinde
ta`rbiyashinin` paydalang`anlarinin` barlig`inda ta`rbiya qurallarinin` qatarinda ko`riwimizge
boladi.
|
| |
