148
gazlamalar apparat usulida yigirilgan kalava ipdan to`qiladi va kamvol
gazlamalardan qalinligii, massasi, chang oluvchanligi bilan farq qiladi.
Movut gazlamalar o`ziga
xos momiqlikka ega, sirti kigizsimon yoki tarab
chiqarilgan tukdor bo`ladi. Movut gazlamalar mayin jundan to`qilgan mayin movut
va kalta tolali dag`almovutlarga bo`linadi. Dag`almovut gazlamalar mayin
movutdan farqli o`laroq, barmoqlarga qattiq unnaydi va botadi. Savdo
preyskurantiga ko`ra, jun gazlamalar guruxlarga ( ishlab chiqarilish usuliga va tola
tarkibiga qarab) hamda kichik guruxlarga ( nimaga ishlatilishiga qarab) bo`linadi.
Jun gazlama artikulidagi birinchi raqam guruxni bildiradi, ya`ni
ishlab
chiqarish usuli va tola tarkibiga mos keladi. Artikuldagi ikkinchi raqam kichik
guruxni bildiradi, ya`ni gazlamaning nimaga ishlatilishini ko`rsatadi. Masalan,
artikuldagi birinchi raqam 1 b o`lsa, gazlama sof jundan kamvol usulda
to`qilganligini, ikkinchi raqam 1 bo`lsa, gazlama ko`ylaklik gazlama ekanligini
bildiradi. Artikuldagi uchinchi va undan keyingi raqamlar o`zgarishi mumkin; ular
kichik gurux ichidagi gazlamalarning tartib raqamini ko`rsatadi.
Yangi strukturali va urilish naqshili gazlamalar
ishlab chiqarish hamda
klassik strukturali gazlamalarning tashqi ko`rinishi va plastik xossalarini
yaxshilash xisobiga jun gazlamalar assortimenti yangilab turiladi. Assortimentni
rivojlantirishdagi yangi yo`nalishlar ipaksimon silliq sirtli mayin plastik
gazlamalar, ko`p rangli melanj kalava ipidan tekis sirtli gazlamalar,
shakldor
kalava ipdan mayda relefli, gadir-budur yoki tekis sirtli gazlamalar, tukli, shu
jumladan, baxmalsimon sirtli gazlamalar to`qish bilan bog`liq.
Ko`ylaklik gazlamalar assortimenti gul bosilgan gazlamalar, jakkard
urilishda to`qilgan
guldor gazlamalar, sof jun kalava ipdan va sintetik iplar
qo`shilgan yarim kalava ipdan to`qilgan gazlamalar bilan to`ldiriladi.
Bejirim ko`ylaklar tikish uchun yangi strukturali sidirga va guldor gazlamalar;
urilish naqshlari yangi bo`lgan yoki metallangan iplar va profillangan kapron ip
aralashtirilib, shakldor qilib pishitilgan kalava ipdan to`qilgan gazlamalar ishlab
chiqariladi.
Yozgi ko`ylaklar va ko`ylak-kostyumlar uchun kompanon gazlamalar ishlab
chiqariladi. Bular har xil strukturali, lekin sidirga yoki aksincha, bir xil strukturali,
lekin har xil rangga bo`yalgan gazlamalardir. Masalan, mayda donli sirt hosil qilib
krep urilishda to`qilgan
ikki gazlama; bittasi sidirga, ikkinchisi esa katak-katak
yoki birinchi gazlama tusida gul bosilgan gazlamalar shular jumlasidan.
Kuzgi-baxorgi assortimentdagi ayollar kostyumlari tikish uchun tuguncha-
tugunchali, xalkasimon, buramdor kalava ip, yo`g`onlashgan joylari bor kalava ip
ishlatib to`qilgan engil ko`ylaklik gazlamalar tipidagi gazlamalar ishlab chiqariladi.
Erkaklar uchun bejirim kostyumlik gazlamalar assortimenti profillangan sintetik
iplar qo`llash xisobiga jimirlash yoki uchkunlanish effektini beradigan, pishitilgan
kalava ipdan to`qiladigan gazlamalar bilan to`ldiriladi.
Paltolik gazlamalar
assortimenti uchun tik va etik tukli, jingalaklangan guldor va sidirga paltolik
gazlamalar va draplar, nitron tolali hajmdor strukturali gazlamalar ishlab
chiqariladi.