|
LABORATORIYALÍQ JUMÍS -1 Tema: Sistemanı ornatıw hám jańalaw
|
| bet | 2/12 | | Sana | 09.01.2024 | | Hajmi | 5,27 Mb. | | #132866 |
Bog'liq Linux qq (2)1 LABORATORIYALÍQ JUMÍS -1 Tema: Sistemanı ornatıw hám jańalaw.
Jumıstıń maqseti: Linux operaciyalıq sistemasın kompyuterge ornatıw, internetten sońǵı jaǵdayǵa shekem jańalawdı úyreniw.
TEORIYALÍQ BÓLIM
1. " Ubuntu 11. 10" di ornatıw.
2. Ubuntu boyınsha paydalı máslahátler.
3. “Ubuntu” de programmalardı ornatiw usılları.
4. Windows ornatılǵannan son’ “Ubuntu”di qayta tiklew.
5. 3 G modemlerdi " Ubuntu" de sazlaw.
6. Ubuntuda nvidia 9500 gt video karta drayverini ornatıw.
7. Canon i-SENSYS MF4010 printerin Ubuntu 10. 04 da ornatıw.
8. Ubuntu ushın kerekli programmalar (jańa paydalanıwshılar ushın ).
9. Windows disklerın Linuxge jalǵaw (mount).
10. Windows ustanovka etkennen keyin qanday etip GRUB2 ni qayta tiklew múmkin?
1. " Ubuntu 11. 10" di ornatıw.
2011-jıldıń oktyabr ayında " Ubuntu 11. 10" dıń Oneiric Ocelot dep atalǵan versiyası shıqtı. Atınıń sózbe-sóz awdarma qılsaq, " Ármandaǵı ocelot" atın ańlatadı. " Canonical" kompaniyası ádetde ónimlerin gózzal haywanlar atı menen ataydı. Sol sebepli bul versiyaǵa " ocelot" berildi. 11. 10 versiyasında da jańalanıw hám jaqsılanıwlar bar. Eger siz " Ubuntu 11. 10" di ornatıwǵa qarar etken bolsańız, tómende kórsetilgen basqıshlardı basıp ótiwge tuwrı keledi. Sonday etip ornatıw procesine ótemiz:
1. Eń birinshi aldımızda turǵan máselelerden biri qattı disk (vinchester) de bos orın payda etiw kerek. Eger Ubuntu linuxti hesh qanday sistema ornatılmaǵan taza diskke ornatpaqshı bolsańız bul processti basıp ótiwdiń keregi joq. " Ubuntu" de " gparted" programması arqalı disk bólimlerine ajıratıw múmkin, bıraq kompyuterińizde " Windows" operatsion sisteması ornatılǵan bolsa, ol jaǵdayda " Windows" ta isleytuǵın programmalardan paydalanǵan maqul. Bos orın payda etkenińizden keyin, bul mánzilden " Ubuntu obraz" larınan kereklisin tańlap, kompyuterińizge júklep alasız. Jazıp alıw procesi tawsılǵannan keyin, sol obrazdı diskke jazıwıńız yamasa USB fleshkaǵa júkleniwshi retinde ornatıwıńız kerek boladı. Diskke jazıwda " Nero" programmasınan paydalanıwıńız múmkin. Eger USB flesh yadqa jazbaqshı bolsańız, Unetbootin programmasınan paydalanıwdı máslahát beremen. Eger DVD yamasa flesh yadqa jazıp, " Ubuntu" obrazın jasaǵan bolsańız, keyingi basqıshqa ótemiz.
2. Disk bolsa onı DVD-romǵa qoyasız, USB flesh yad bolsa, kompyuterge jalǵaysız. Áwele, kompyuterdiń biosına kirip, birinshi júkleniwshi apparatqa DVD- romdı yamasa USBdan júkleniwdi tańlaysiz. Bul jumıstı F11 (hár túrlı kompyuterlerde túrlishe) yamasa basqa túymeler járdeminde de tuwrıdan-tuwrı ámelge asırıw múmkin. Sistemanı DVD diskten yamasa USBdan júkleymiz. Kompyuter monitorında birinshi payda bolatuǵın súwret, bizden tildi tańlawdı soraydı. Onnan rus yamasa inglis tili (qálegen tilińizdi) n tańlawıńız múmkin. Házirshe onda ózbek tili joq bolǵanlıǵı ushın bunıń múmkinshiligi joq, bıraq keyingi versiyalarda, álbette, boladı.
Keyin taǵı bir menyu payda boladı. Bul jerde Ubuntu linuxti hár qıylı usıllarda júklewdi usınıs etiwshi bes punkt payda boladı.
1-punkt - Zapusk Ubuntu bezustanovki (Ubuntudi ornatpastan jumısqa túsiriw) - bul punkt bizge "Ubuntu" sistemasın ornatpastan, sınap kóriw imkaniyatın beredi, álbette, bul júklewden keyin onı qattı diskke ornatıwımız múmkin.
2-punkt - Ustanovka Ubuntu (" Ubuntu" di ornatıw ) - bul sistemanıń ózin ornatıw.
3-punkt - Proverit CD nanalichie oshibok (CD'di qáteler ushın tekseriw) - bul punkt disktiń jaqsı oqılıwı hám ol jaǵdayda qáteler joq ekenligin anıqlawǵa járdem beredi.
4-punkt – Proverit pamyat (Yadtı tekseriw) - bul punktti tańlap kompyuterimizdiń operativ yadın tekseriwimiz múmkin.
5- punkt – Zagruzitsya spervo gojestko godiska (Birinshi qattı diskten sistemanı júklew) - "Ubuntu" di ornatıw yamasa jumısqa túsiriwdi biykar etedi hám qattı diskten ámeldegi sistemanı júkleydi.
Biz siz benen birinshi punktti tańlaymız. Onı basqanımızdan keyin Linux operatsion sisteması júklene baslaydı (siz nege áyne birinshi punktti tańladıńız dep soranıwıńız múmkin, birinshi punktti tańlawda " Ubuntu" menen tanısıw múmkin hám internetti sáykeslew múmkin. Bul degeni ornatıw waqtında zerikpew ushın internette islewińiz múmkin).
Sistema júklengennen keyin "Jumıs stolı" bir neshe nıshanshalar menen payda boladı. Onda " Ustanovit Ubuntu 11. 10" (" Ubuntu 11. 10" di ornatıw ) nıshanshası da bar.
Endi ornatıw waqtında internetten paydalanıw ushın bul jerde jazılǵanı sıyaqlı etip 3 G modemdi sazlaymıs. "Ubuntu 11. 10" de USB modeminiń drayveri talap etilmeydi. Endi bolsa qáwetersiz "Ustanovit Ubuntu 11. 10" (" Ubuntu 11. 10" di ornatıw ) nıshanshasın bassaqta boladı. Áne endi ekranımızda ornatıw procesiniń ózi payda boladı.
3.Nıshanshanıń ústine basıwımız benen operatsion sistemamız ushın tildi tańlaw aynası payda boladı. Biz onnan qálegenimizdey, russ yamasa ózbek tilin tańlawımız múmkin boladı.
|
| |
