|
LABORATORIYALIQ JUMIS - 7 Tema : Fayl serverin sazlaw
|
| bet | 9/12 | | Sana | 09.01.2024 | | Hajmi | 5,27 Mb. | | #132866 |
Bog'liq Linux qq (2)1 LABORATORIYALIQ JUMIS - 7 Tema : Fayl serverin sazlaw.
Jumıstıń maqseti: Linux serverde fayl serverdi sazlawdı úyreniw.
TEORIYALÍQ BÓLIM
Kóbinese Windows hám Linux operatsion sistemaları menen bir waqıtta islewge tuwrı kelip qaladı. Bul eki operatsion sistema bir-birinen keskin parıq etedi, hátte fayl sistemaları da hár qıylı. Sonda da, hár biriniń óz ornı bar. Linux operatsion sisteması tiykarınan qandayda bir server jaratıwda paydalanılsa, Windows bolsa turaqlı jumıs procesi ushın qolaylı esaplanadı.
Maǵlıwmat almaslawǵa kelsek, tarmaqtaǵı Windows operatsion sistemasınan turıp Linux operatsion sisteması katalogların tikkeley kórip bolmaydı. Onıń ushın hár qıylı protokollardan yamasa programmalardan paydalanıw kerek. Bulardıń ishinde eń ápiwayısı linux operatsion sistemasında ámeldegi bolǵan Samba server bolıp tabıladı.
Samba server arqalı, Windows operatsion sistemasınan turıp linux operatsion sisteması katalogların (aldınan ajıratılǵan) ápiwayı Windows sistemasındaǵı sıyaqlı kóriw múmkin boladı, hátte linux sisteması katalogların tarmaq diskı kórinisine de keltirip qoyıw múmkin. Maqalada linuxtıń Red Hat distributividan paydalanıldı. Kodlar hámmesi Red hatda tekserilip shıǵılǵan. Basqa distributivlar ushın kodlardıń kórinisi sál basqashalaw bolıwı múmkin.
Dáslep linux operatsion sistemasında samba serveri paketleri (samba, samba-common, samba-client) ornatıladı.
1 yum install samba
Odan soń samba paydalanıwshı jaratıp alamız, yaǵnıy windows operatsion sistemasınan turıp, samba paydalanıwshısı arqalı linux sistemaǵa kiriledı. Paydalanıwshı jaratıp, parol da berip qoyamız:
1
2
3
4
5 # su
# smbpasswd -a samba_user
new samba password:
retype new smb password:
Added user
Paydalanıwshı jáne onıń parolın jaratıp aldıq, endi samba serverdi sazlaymız. Onıń bir ońlawshı faylı ámeldegi: /etc/samba/smb. conf
Sol fayldı qandayda bir redaktorda ashamız hám tómendegilerdi Share Definitions bólimine kiritemiz.
[TMP]
comment = TMP
path = /tmp
writeable = yes
guest ok = yes
Analiz etemiz:
comment — qosımsha, qálegen sóz yamasa gáp bolıwı múmkin.
path — linux sistemasındaǵı qaysı katalogtı Windows imi arqalı kóriw kerekligin kórsetemiz.
writable — sol katalogǵa jazıwǵa ruxsat.
guest ok — qálegen samba paydalanıwshısı menen kirisiw múmkin.
Joqarıdaǵılarǵa tómende keltirilgenlerdi de qosıw múmkin:
valid users = test (tek test paydalanıwshısı sistemaǵa samba arqalı kire aladı)
write list = users1 (users1 paydalanıwshısı samba katalogǵa jaza aladı)
Joqarıda samba serverdi ońlawshı faylınıń tiykarǵı parametrlerin kórsetip óttim, serverdi tereńrek sazlayjaq bolsańız basqa parametrlerine de itibar beriń (olardı internetten tawip alasız).
Samba server tayın boldı, endi onı jumısqa túsiremiz:
1 # service smb start
yamasa slujbadan smb xızmetin jaǵıp qoyamız. «start» ornında «stop», «restart» komandaları da bolıwı múmkin, uqsas usılda serverdi toqtatadı yamasa qayta júkleydi.
Endi Windows kompyuterden linux sistemasınıń «IP» adresin terip «samba»ǵa baylanısasız hám samba paydalanıwshı atı hám parolın tergen halda, linux operatsion sistemasında ruhsat berilgen kataloglardı kóriwińiz hám dúzilgen fayl tiykarında katalog hám fayllardı isletiwińiz múmkin boladı.
|
| |
