|
Ishsizlikning ijtimoiy-iqtisodiy chiqimlari
|
| bet | 69/331 | | Sana | 06.06.2024 | | Hajmi | 1,54 Mb. | | #260832 |
Bog'liq Yxatga olindi ¹ 2019 yIshsizlikning ijtimoiy-iqtisodiy chiqimlari. Ishsizlikning iqtisodiy chiqimlari mahsulot ishlab chiqarmaslik bilan bog’liqdir. Agar iqtisodiyot ishlashni xohlaydiganlar va ishlay oladiganlar uchun etarli miqdordagi ish o’rinlarini yaratib berishga qodir bo’lmas ekan, tovarlarni potentsial ishlab chiqarish va xizmat ko’rsatish butunlay yo’qoladi. SHunday vaziyat vujudga keladiki, unda yalpi milliy mahsulotning hajmi yaratilishi mumkin bo’lgan potentsial yalpi milliy mahsulotdan kamroq bo’ladi. Haqiqiy va potentsial yalpi milliy mahsulotlar o’rtasidagi farqni yalpi milliy mahsulotning orqada qolishi deb atash qabul qilingan.
Ishsizlikning tashqi iqtisodiy chiqimlari jamiyatdagi ijtimoiy, ruhiy va siyosiy larzalarning sirtida yotadi. Bu faqat jamiyatdagi ijtimoiy taranglikni ko’paytirib qolmasdan, shu bilan birga mamlakat siyosiy yo’lining islohotlar yo’lidan uzoqlashish tomonga keskin o’zgarishi mumkinligini ham bildiradi. O’z vaqtida Gitler Germaniyada hokimiyat tepasiga chuqur iqtisodiy tanglik vujudga keltirgan ommaviy ishsizlik negizida kelgan edi. Ommaviy ishsizlik jamiyatning ayrim a’zolariga ham bevosita ta’sir ko’rsatadi, bu hol o’z-o’zini o’ldirishlar, ruhiy kasalliklar, yurak-tomir kasalliklaridan o’lishning ko’payishiga olib keladi.
8.3. Ishsizlikni kamaytirish yo’llari
O’zbekistonning ijtimoiy-iqtisodiy siyosatida, umuman, aholini ijtimoiy himoyalashning muhim sharti sifatida ish bilan bandlik va ishsizlikdan himoyalash siyosati dunyodagi ko’pgina rivojlangan mamlakatlarning boy tajribasiga asoslangandir. Ammo, bu tajribalarning ko’pchiligi O’zbekistonning ijtimoiy-iqtisodiy siyosatining tub mohiyatiga tatbiqan etarlicha to’g’ri kelavermaydi. Biz umumlashtirgan aholini ish bilan bandlik siyosatining asosiy yo’nalishlari ish bilan bandlik siyosati evolyutsiyasining faqat tarkibiy emas, balki tarixiy-mantiqiy tasvirini ham beradi. Aslini olganda, ish bilan bandlikning faol siyosatidan oldin yaxshi yo’lga qo’yilgan ishsizlarni hisobga olish, ro’yxatga olish, ishsizlarni samarali qo’llab-quvvatlash maqsadida ularni ijtimoiy himoyalash uslublari (passiv siyosat) amalga oshirilishi mamlakatda zarur edi. Rivojlangan mamlakatlar tajribasi ko’rsatishicha, hukumat ishsizlarning ijtimoiy himoyasini ta’minlagandan keyingina, boshqa ishlarga kiritishi — dastlab ish bilan bandlikni barqarorlashtirish (saqlash)ga, so’ngra uning o’sishini rag’batlantirishga kirishishi mumkin. Bunda ish bilan bandlikning o’sishini rag’batlantirish uch yo’nalishda amalga oshiriladi:
• tadbirkorlar bilan ishlash, masalan, yangi ish joylari yaratilganda soliq imtiyozlarini berish, ishsizlarning ish izlashlarini faollashtirish;
• ishchi kuchi taklifini rag’batlantirish;
• yollanma ishchilar sinfini mehnat bozoridan chiqarish, o’z-o’zini band qilishni rag’batlantirish.
O’zbekistonda ishsizlikning keskin ko’payishi ish bilan bandlik siyosatining normal evolyutsiyasi yo’lidan izchil borishga vaqt qoldirmaydi. Shuning uchun, ish bilan bandlikni ta’minlashning xilma-xil dasturlari mo’ljallanganlarni davlatning haqiqiy moliyaviy imkoniyatlarini yaxshilab muvofiqlashtirib olmay, ish bilan bandlik ishining barcha yo’nalishlarini bir yo’lga qamrab olishga urinmoqda. Fikrimizcha, eng avvalo, ish bilan bandlik siyosatini amalga oshirishga yo’llaniladigan moliyaviy mablag’larni muvofiq tarzda taqsimlab, mehnat bozorini tartibga solishning umumdavlat va mintaqaviy sohalarini belgilab olish kerak. Mahalliy mehnat bozorini tahlil qilish asosida ajratilgan mablag’larning har bir so’mini ish bilan bandlikning o’sishi ko’rinishidagi samara bilan qaytishi uni qaerga yo’llash kerakligini aniqlash kerak bo’ladi.
Ish bilan bandlik siyosatini amalga oshirish usullari ham qayta ko’rib chiqilishi kerak. Ma’lumki, har qanday tartibga solish jarayoni, ma’muriy yoki iqtisodiy bo’lishi mumkin bo’lib, shu jumladan, mehnat bozoriga ham taalluqlidir. Tartibga solishning bu usullari o’rtasidagi chegara bozor mexanizmiga aralashuv darajasi chizig’i bo’ylab o’tadi. Ma’muriy usullar mehnat bozori ishiga bevosita, ba’zida hatto bozor mexanizmini buzib aralashuvni nazarda tutadi. Tartibga solishning iqtisodiy usullari buyruq beradigan emas, tavsiyaviy, rag’batlantirish usullari asosida amalga oshadi.
O’zbekistonda amalga oshirilayotgan iqtisodiy islohotlar Prezidentimiz I.A. Karimov tomonidan ishlab chiqilgan besh tamoyillar asosida bo’lib, unda ma’lum davrda iqtisodiyotni boshqarishda davlat tomonidan tartibga solishning ustuvorligi nazariy hamda amaliy jihatdan muhim o’rin egalladi va shu bilan bu bozor iqtisodiyotida o’z-o’zini boshqarish g’oyasini ham inkor etmadi.
Shunday qilib, ish bilan bandlikni tartibga solishning faol iqtisodiy usullariga quyidagi tadbirlarni kiritish mumkin:
• mamlakatdagi iqtisodiy vaziyatni umumiy sog’lomlashtirish, investitsion faollikni rag’batlantirish, barqarorlashtirish va keyinchalik iqtisodiy o’sishga erishish;
• iqtisodiyotni nodavlat sektorlarini rivojlantirish va kengaytirish uchun shart-sharoitlarni yaratish, shu jumladan, kichik biznes va o’z-o’zini ish bilan band qilishni qo’llab-quvvatlash;
• ish bilan bandlikning oqil tuzilmasini yaratish maqsadida kasbiy o’qitish, qayta tayyorlash va maslahat berishni ta’minlash.
Ko’rinib turibdiki, bu vazifalarni amalga oshirish bugun ham — kelajakda ham muhim omil bo’lib, ish bilan bandlikni ta’minlash ishsizlik darajasining kamayishiga imkon beradi.
|
| |
