1- MA’RUZA: TO’LQIN OPTIKASI.
REJA:
1. Yoruglik nurining tabiati.
Tayanch so’z va iboralar: monoxromatiklik, kogerentlik, yorug’lik interferensiyasi, Yung usuli, Frenel ko’zgulari, Frenel biprizmasi, ikki manbadan interferensiya, qo’shni maksimum (minimum)lar orasidagi masofa, yupqa qatlamlardagi interferensiya, maksimum va minimum shartlari, Nyuton halqalari, optikani ravshanlashtirish, qaytaruvchi qatlamlar, interferometrlar, Linnik interferometri. Yorug’lik difraksiyasi, Gyuygens-Frenel prinsipi, Fraungofer difraksiyasi, Frenel difraksiyasi, Frenel zonalari, bir tirqishdan difraksiya, ikki va ko’p tirqishlardan difraksiya, maksimum va minimumlar shartlari, difraksion panjara, Rentgen nurlari difraksiyasi, golografiya, gologramma.
a.Optikaning asosiy qonunlari
Yorug‘lik nurining tabiati o‘rnatilishidan oldin optikaning quyidagi asosiy qonunlari ma’lum edi:
Yorug‘lik nurining optik bir jinsli muhitda to‘g‘ri chiziqli tarqalish qonuni; yorug‘lik nuri dastalarining bir-biriga bog‘liq bo‘lmaslik qonuni; yorug‘likning qaytish va sinish qonunlari.
Yorug‘likning to‘g‘ri chiziqli tarqalish qonuni. Optikaviy bir jinsli muhitda yorug‘lik nuri to‘g‘ri chiziqli tarqaladi, chunki nuqtaviy yorug‘lik manbai bilan shaffof bo‘lmagan buyumlar yoritilganda, buyumlar shaklida aniq soya hosil bo‘ladi. Yorug‘lik nurlari to‘lqin uzunligiga yaqin bo‘lgan o‘lchamli buyumlar yoritilganda, bu qonundan chetlashish kuzatiladi.
Oldingi bo’limda biz ko’zgularda tasvir yasashni o’rgangan edik.
Yorug‘lik nurlari dastalarining bir-biriga bog‘liq bo‘lmaslik qonuni. Alohida yorug‘lik nuri dastasida kuzatiladigan hodisalar boshqa dastalar bir vaqtda mavjud bo‘lish yoki bo‘lmasligiga bog‘liq bo‘lmaydi. Yorug‘lik oqimini alohida yorug‘lik dastalariga ajratib, tanlangan yorug‘lik dastasi ta’siri boshqa dastalarga bog‘liq emasligini oson isbotlash mumkin.
6.1-rasm. Ikki muhit chegarasida yorug‘likning sinishi va qaytishi.
Agarda, yorug‘lik nuri ikki muhit chegarasiga tushsa (6.1 - rasm), I tushuvchi nur II qaytgan va III singan nurlarga ajraladi, ularning tarqalish yo‘nalishlari qaytish va sinish qonunlari bilan belgilanadi.
|
