96
Mahsulotga me‘yoriy hujjatni qayta ko‗rib chiqish me‘yoriy hujjatga yangi,
istiqbolli,
o‗zaro almashinuvchanlikni buzmaydigan talablarni kiritishda,
mahsulotning asosiy texnik daraja ko‗rsatkichlarini va sifatini o‗zgartirishda, xalqaro
va hududiy me‘yoriy hujjatlarni O‘z DSt ISO/IEC 21:2001 bo‗yicha identifikatlash
bilan qabul qilishda amalga oshiriladi.
Qayta ko‗rib chiqishda amaldagining o‗rniga yangi me‘yoriy hujjat ishlab
chiqiladi. Qayta ko‗rib chiqilgan me‘yoriy hujjat bekor qilinadi, yangisida esa, qaysi
hujjat o‗rniga ishlab chiqilganligi ko‗rsatiladi. Me‘yoriy hujjatning belgisi, faqat
tasdiqlash yilini o‗zgartirgan holda o‗zicha saqlanadi.
Maxsulotga me‘yoriy hujjatga yangi, istiqbolli, mahsulotning amaldagi
me‘yoriy hujjat bo‗yicha tayyorlangan mahsulot bilan o‗zaro almashinuvchanligini
buzmaydigan talablarni kiritishda amaldagi me‘yoriy hujjatga o‗zgartirish kiritiladi.
O‗zgartirishlar, shuningdek me‘yoriy hujjatning amal muddatini cho‗zish, cheklash
yoki cheklovni bekor qilishda ham kiritiladi.
O‗zgartirishlarni ishlab chiqish, kelishish, tasdiqlash va davlat ro‗yxatidan
o‗tkazish me‘yoriy hujjatlarning loyihalari uchun o‗rnatilgan tartibda bajariladi.
O‗zgartirishlar loyihalarini agar boshqa me‘yoriy hujjatlar bilan bog‗liqlik
buzilmaydigan bo‗lsa, manfaatdor tashkilatlarga fikr olish uchun jo‗natmaslik ruxsat
etiladi. Shuniigdek, zarur bo‗lganda, o‗zgartirishlar loyihasini faqat buyurtmachi
(asosiy iste‘molchi) bilan kelishish ruxsat etiladi.
Me‘yoriy hujjatni tasdiqlagan tashkilot ushbu me‘yoriy hujjatni mahsulot
chiqarish (xizmatlar ko‗rsatish) tugallangan hollarda, shuningdek ushbu me‘yoriy
hujjat o‗rniga boshqa me‘yoriy hujjat ishlab chiqilganda, bekor qiladi. Me‘yoriy
hujjatni bekor qilish qaror (buyruq) bilan rasmiylashtiriladi.
