1
1-mavzu:
Ta’lim jarayonida axborot-kommunikatsiya texnologiyalarining
o‘rni va imkoniyatlari
Reja:
1. Ta’lim jarayonida axborot-kommunikatsiya texnologiyalarining o‘rni va
imkoniyatlari
2. Ta’lim jarayonida qo‘llaniladigan axborot-kommunikatsiya texnologiyalari,
texnik va dasturiy vositalardan foydalanish
3. Zamonaviy o‘quv-texnik vositalari va ularning tasnifi. Pedagogning axborot-
kommunikatsiya texnologiyalari kompetentligi
Respublikamizda jahon makonining axborot infratuzilmalari va milliy
axborot – hisoblash tarmoq integratsiyasiga mos keluvchi
milliy tizimini yaratish
iqtisodiyot, boshqarish, fan va ta’lim samaradorligining muhim omili bo‘lmoqda.
XX asr o‘rtalariga kelib tezkor mashina mexanizmlardan foydalanila
boshlandi, murakkab texnika va texnologiyalar o‘ylab topildi. Ko‘pgina masalalarni
hal qilish jarayonida axborot hajmi behisob bir majmuaga aylandi hamda bu
axborotlarni yig‘ish va
uzatish vositalarini yaratish, ularni vaqtida qayta ishlab,
boshqarish uchun zarur bo‘lgan choralarni belgilab chiqish kerak bo‘lib qoldi.
Ta’limni kompyuterlashtirish tarixan XX asrning 50-yillariga borib taqaladi.
Jamiyatda paydo bo‘lgan har qanday yangilik kabi dasturlashtirilgan ta’limning
ijobiy tomonlari bilan birga ayrim kamchiliklari ham mavjud edi. Shunga
qaramasdan, dasturlashtirilgan ta’lim o‘quv-tarbiya
ishlarida chuqur ijobiy
o‘zgarishlarga sabab bo‘ldi. Mutaxassis va o‘qituvchilar o‘quv materialini tahlil
qilishning yangi uslubiyotini o‘zlashtirib oldilar, o‘quv materiali bo‘yicha
axborotlarni qabul qilish, ularni
atroflicha mustahkamlash, sinash yagona tizimga
aylandi. Mavzularni to‘liq o‘zlashtirish uchun psixologik,
pedagogik, didaktik,
uslubiy zamin yaratildi.
2
Kompyuterning ta’lim-tarbiya sohasidagi ahamiyati beqiyos. U ta’lim
tizimini ma’muriy boshqarishdan tortib alohida maktab faoliyatini tashkil etish,
boshqarish, nazorat qilishgacha, o‘quv fanlarini o‘rganishni tashkil qilishdan tortib
o‘quvchilarning individual mashg‘ulotlarini tashkil etishgacha bo‘lgan
muammolarni qamrab oladi.
Kompyuter ma’lumotlarni
saqlovchi, ularni qayta ishlovchi, turli shakl va
usullarda o‘quvchilarga yetkazuvchi o‘ta qulay vosita sifatida tan olinmoqda.
Ikkinchidan, kompyuterning ta’lim berishdagi vazifasi
dars jarayoni bilan
chegaralanmaydi. O‘quvchilar u bilan mustaqil ishlab, xatto uyda ham bilim
olishlari mumkin. Uchinchidan, kompyuter tarmoqlaridan foydalanish, masofadan
o‘qitish hozirgi kun uchun orzu bo‘lmay qoldi. Bu nogiron bolalar uchun ta’lim
olishning
yagona imkoniyati, iqtidorli, o‘ta qiziquvchan talabalar uchun mustaqil
ta’lim olish vositasi.
