Хom ashyo turini tanlash va asoslash

Tanlangan mahsulot sifatini belgilovchi asosiy omillardan hisoblangan to’qima va xom ashyo turi o’zaro uzviy bog’liq bo’lib, loyihalanayotgan korxonaning ixtisoslashganligidan kelib chiqadi. Tanlangan to’qima va xom ashyo asosida texnologik qismning keyingi bosqichlari, ya’ni mashina turi, texnologik imkoniyatlari, ishlab chiqarishning texnologik jarayonlari kabilar belgilanadi.

Aslida qo’llaniladigan xom ashyo ishlab chiqarilayotgan mahsulotning sifatini belgilovchi asosiy ko’rsatkichdir, ko’pincha xom ashyo hisobiga ichki kiyim mahsulotlarining gigienik xususiyatlari ta’minlansa, ustki kiyimlarda esa issiqlik saqlash xususiyatlariga erishiladi. Хom ashyoning chiziqli zichligi to’qima qalinligi, yuza zichligi, havo o’tkazuvchanligi kabi bir qator xususiyatlariga ta’sir etadi.

Shu bilan birga talaba tomonidan loyihalanayotgan korxonani xom ashyo bilan ta’minlash masalasiga katta e’tibor berilishi zarur, chunki xom ashyo chet mamlakatlardan keltiriladigan bo’lsa sarf-xarajatlarning ko’payishiga olib keladi va tannarxning shaklanishiga salbiy ta’sir etishi aniq. Diplom loyihasida tanlangan xom ashyoning asosiy fizik-mexanik xususiyatlari jadval shaklida GOSTlardan keltirilishi zarur.