|
11-mavzu. Korxonaning investitsion faoliyati Reja
|
| bet | 1/15 | | Sana | 29.03.2024 | | Hajmi | 96.27 Kb. | | #181264 |
Bog'liq 11 мавзу (1) TX - Ishchi dastur Sirtqi, pedagogika va psixologiya kafedrasi, Туйинмаган углеводородлар, 1 amaliy ish, @pdfustabot (1), Domna ishlab chiqarishi - Vikipediya, amaliy-ish-fizika, 1-topshiriq masalalari, Diskret tuzilmalar, Basketbolchilarni mashg‘ulot jarayonida asosiy texnik tayyorgarligi oshirishga qaratilgan mashqlar., 10 мавзу (2), Ilyosov Baxtiyor1, Ilyosov Baxtiyor
11-mavzu. Korxonaning investitsion faoliyati
Reja
11.1. Investitsiyalashning vazifasi va iqtisodiu mazmuni
11.2. Korxona investitsiyalarining manbalari
11.3. Investitsion loyihalarning samaradorligini baholashning uslubiy asoslari
11.4. Samaradorlikni aniqlovchi ko’rsatkichlar
11.5. Iqtisodiy samaradorlik
11.6. Investitsiyalarning qoplash muddati
11.7. Xatarlar va ularning investitsion loyihadagi zarari
11.1. Investitsiyalashning vazifasi va iqtisodiu mazmuni
Korxonalar xo’jalik yuritish va ishlab chiqarish faoliyatining muhim jihatlaridan biri ishlab chiqarish va iqtisodiy salohiyatni rivojlantirish va saqlab qolishdir. Korxonalarning bu yo’nalishdagi faoliyati investitsion faoliyat deb ataladi hamda “Investitsion faoliyat to’g’risida” gi Qonun va boshqa huquqiy hujjatlar bilan tartibga solinadi.
Investitsiyalar korxonalar va xalq xo’jaligi miqyosida yangi ishlab chiqarish korxonalari yaratish yoki mavjud korxonalarni zamonaviylashtirish, ilg’or texnika va texnologiyalarni o’zlashtirish, mahsulot ishlab chiqarish va foyda (daromad) olishni ko’paytirish maqsadida uzoq muddatli mablag’lar kiritilishidir. Investitsiyalar ijtimoiy ishlab chiqarish tuzilmasini yaxshilash, ishlab chiqarishdagi nomutanosibliklarini bartaraf qilish va iste’mol bozorini ta’minlashda alohida ehtiborga ega.
Investitsiyalarni shakllantirish va ulardan foydalanish, mamlakat va xo’jalik yurituvchi sub’ektlarning investitsion siyosati asosida amalga oshiriladi. Bu siyosat birinchidan, kapital qo’yilmalarning ustuvor yo’nalishlarini, ikkinchidan, ishlab chiqarish kuchlarini to’g’ri joylashtirish va rivojlantirish, uchinchidan, fan-texnik taraqqiyoti va butun iqtisodiyotning rivojlanishini belgilab beradi. Investitsiyalarning “egasi” sifatida korxonalarning o’zidan tashqari, davlatni, mahalliy hokimiyat idoralari va xususiy tadbirkorlarni ko’rsatish mumkin.
Ko’pincha investitsiya deganda kapital qo’yilmalar ko’zda tutiladi, bu narsa investitsiyalar tabiatini inkor qilmaydi va ularning mohiyatini noto’g’ri aks ettirmaydi. Investitsiyalar, bozor iqtisodiyotidagi boshqa, jumladan, biznes, raqobatchilik, ishbilarmonlik tushunchalari kabi, ma’muriy-buyruqbozlik tizimidan bozor iqtisodiyotiga o’tilayotgan bugungi kunlarda xo’jalik yuritish nazariyasi va amaliyotida o’z o’rnini topmoqda. SHu bilan birga, “kapital qo’yilmalar” atamasining o’z izohlari ham mavjud.
|
| |
