12-mavzu. Texnik tizimlarda internet texnologiyalari

IRC

IRC (Internet Relay Chat - Internet orqali gaplashish) -Internetning serverlaridan biri. IRCda ishlash uchun shunday ismli dastur mavjud aloqa bo’limi (provayder)ga ulanib, biror mavzu tanlanadi. Bu mavzu bilan doimiy muloqotni ta’minlab turadigan aloqa serveriga ulaniladi. Bunda o’sha mavzuga oid gaplarni, munozaralarni uchratib, siz ham bu mavzuni muhokamasida qatnashish imkoniyatiga ega bo’lasiz va sizning fikrlaringiz ham boshqa ishtirokchilarga etkaziladi. Internet xizmatining ana shunday turi IRC deb ataladi. Hozirda IRC serverlarning bir qanchasi mavjud bo’lib (DALnet, Efnet va boshqalar), ular tarmoqlarga ulangan. IRC uchun xizmat qiluvchi dasturlar orasida mIRC dasturini keltirish mumkin. Uni www.mirc.co.uk manzil bo’yicha bepul olish mumkin. mIRC dasturi o’rnatilishi bilan u o’zi sizning manzilingizni kiritishni so’raydi. O’z no-mingiz va manzilingizni kiritib, u bilan muloqotni boshlaysiz. IRC serverlar ko’p bo’lgani uchun ulardan kerakligini tanlab, unda muloqot boshlash mumkin. STATUS darchasi orqali kanal ro’yxatlari hosil qilinadi va u orqali sizni qiziqtirgan kanallar bilan ishlash imkoniyati paydo bo’ladi. Bu kanallar orqali klaviaturadan foydalanib, hatto munozarada qatnashayotganlar bilan gaplashish, ularning rasmlarini ham ko’rish imkoniyati mavjud.