2- ma’ruza. Puxtalik hususiyatlari ko‘rsatkichlari. Ishlamay qolishlar tasnifi

Buzilmasdan ishlashning umumiy vaqti (bunga nuqsonlarni tuzatish tufayli bekor turib qolishlar vaqti ham kiradi) buyumning tuzatishga yaroqliligini ifodalaydi. Tabiiyki, tuzatishga yaroqlilik ko‘rsatkichlari buyumdan foydalanish narxini belgilaydi, shu sababli buyumning puxtaligini oshirish tufayli mashina narxining ma’lum miqdorda qimmatlashuvi katta foydaga aylanadi. Puxtalik nazariyasi, agar mashinani tashkil qilgan qismlarning ishlamay qolishlari jadalligi ma’lum bo‘lsa, mashinaning buzilmasdan ishlash ehtimolini hisoblab topishga imkon beradi.

Puxtalik to‘g‘risidagi fan ishlamay qolishlarni kamaytirishga imkon beruvchi maxsus usullarni ishlab chiqqan. Vazifalarni (funksiyalarni) takrorlash; buyurtmachiga zavodda sayqalantirilmagan agregatlar yetkazib berilishiga barham berish; ishlamay qolish ehtimoli oxirgi darajaga yaqinlashib qolgan agregatlarni almashtirish va boshqa chora-tadbirlar shular jumlasidandir. Shunga ko‘ra, garchi samolyot yer ustida yuruvchi transport vositasiga qaraganda juda murakkab bo‘lsa-da, manzilga samolyotda borish avtomobilda borishga nisbatan ikki baravar xavfsizroq hisoblanadi.