Ishlab chiqarishdagi xatolar tufayli ishlamay qolishlar

Ishlab chiqarishdagi xatolar tufayli ishlamay qolishlar. Bular mashina-larni tayyorlash yoki ta’mirlash texnologiyasining buzilishi yoxud mukammal emasligi tufayli kelib chiqadi. Detallar yuzalarining sifati va tayyorlanish aniqligi odatda ruxsat etilgan qiymatlar maydoni ichida bo‘ladi. Ishlab chiqarish madaniyati pastligi tufayli sifat ko‘rsatkichlari anchagina farq qilganda bir ob’yektning puxtaligi boshqasinikidan ancha past bo‘lishi mumkin. Ishlab chiqarishdagi xatolar tufayli ishlamay qolishlar buyumlarning faqat bir qismida kuzatilishi mumkin.

Foydalanish paytidagi ishlamay qolishlar. Bu hol foydalanish qoidalari buzilishi yoki qoidalarda ko‘zda tutilmagan tashqi ta’sirlar natijasida yuzaga keladi va buyumning barvaqt ishlamay qolishiga olib keladi. Odatda, bunday buzilishlar foydalanilayotgan mashinalarning faqat ma’lum qismida uchraydi.

Mashinalarning eskirishi natijasida paydo bo‘luvchi ishlamay qolishlar. Bunday ishlamay qolishlar foydalanish va saqlash paytida yuz beruvchi tuzatib bo‘lmaydigan darajadagi o‘zgarishlar bilan bog‘liqdir. Mazkur o‘zgarishlar natijasida qismlarning mustahkamligi, muvofiq-lashuvi va o‘zaro ta’siri buziladi. Ushbu ishlamay qolishlar asta-sekin ishlamay qolishlar jumlasiga kiradi.

Mashinalarning eskirishi natijasida paydo bo‘luvchi ishlamay qolishlar. Bunday ishlamay qolishlar foydalanish va saqlash paytida yuz beruvchi tuzatib bo‘lmaydigan darajadagi o‘zgarishlar bilan bog‘liqdir. Mazkur o‘zgarishlar natijasida qismlarning mustahkamligi, muvofiq-lashuvi va o‘zaro ta’siri buziladi. Ushbu ishlamay qolishlar asta-sekin ishlamay qolishlar jumlasiga kiradi.

“Tabiiy eskirish” va “ma’naviy eskirish” tushunchalarini farq qila bilish kerak. Ma’naviy eskirgan buyumlar (avtomobillar, traktorlar, dastgohlar va boshqalar) puxta bo‘lishi mumkin, ammo ularning ba’zi ko‘rsatkichlari yangilarinikidan kam bo‘ladi.

Puxtalik hususiyatlari ko‘rsatkichlari.

Buyumning puxtaligi (ko‘pga chidamliligi, buzilmasdan ishlashi, ta’mirga yaroqliligi, saqlanuvchanligi) darajasini belgilovchi xususiyatlaridan har biri ko‘rsatkichlarning muayyan turkumi bilan ifodalanadi.