|
MICHT ning beshta darajasi mavjud
|
| bet | 3/4 | | Sana | 15.12.2023 | | Hajmi | 22,26 Kb. | | #119429 |
Bog'liq 2-ma’ruza. Mashinasozlik ishlab chiqarishda RDB dastgohlarning o’rni va vazifasi.MICHT ning beshta darajasi mavjud;
Moslashuvchan ishlab chiqarish moduli (MICHM) – dastur yordamida boshqaruvchi avtomatlashtirilgan qurilma va texnologik jarayonni avtomatlashtirish vositalari bilan jihozlangan, birgina texnologik jihozdan tuzilgan moslashuvchan ishlab chiqarish tizimidir.
Moslashuvchan avtomatlashtirilgan liniya (MAL) – avtomatlashtirilgan boshqarish tizimi vositasida birlashtirilgan bir necha moslashuvchan ishlab chiqarish modullardan tashkil topgan ishlab chiqarish tizimi. Bunda MICHM lar texnologik operatsiyalar ketma – ketlikda joylashtiriladi.
Moslashuvchan avtomatlashtirilgan uchastka (MAU) – avtomatlashtirilgan boshqarish tizimi vositasida birlashtirilgan bir necha MICHMdan tuzilgan ishlab chiqarish tizimi. Ushbu tizim texnologik marshrut bo’yicha ishlab ularda texnologiyaning ketma – ketligini o’zgartirish ko’zda tutiladi.
Moslashuvchan avtomatlashtirilgan sex (MATS) belgilangan nomenklaturadagi buyumlarni tayyorlash uchun mo’ljallangan moslashuvchan avtomatlashtirilgan liniyalar va moslashuvchan avtomatlashtirilgan uchastkalar majmui.
Moslashuvchan avtomatlashtirilgan zavod (MAZ) asosiy ishlab chiqarish rejasiga muvofiq tayyor buyumlar ishlab chiqarishga mo’ljallangan moslashuvchan avtomatlashtirilgan sexlar majmui. MAZda aloxida ishlovchi avtomatlashtirilgan uchastka va sexlar ham bo’lishi mumkin.
MICHT umumiy struktura sxemasi quyidagicha: Raqamli dastur yordamida boshqariladigan oltita dastgohdan tashkil topgan MICHT ga ma’lum marshrut bo’yicha yuradigan induktsion tizimli uchta transport roboti xizmat qiladi. SHtabeler avtomat ombordan zagotovkani olib, qabul stoliga uzatadi. Stolda zagotovka universal palet (moslama) larga mahkamlanadi.
Transporter zagotovkalar o’rnatilgan paletlarni polda joylashgan uchta transport robotidan biriga qo’yadi. Bu robot zagotovka markazlariga ishlov beruvchi dastgohning stoliga uzatadi. Ishlov berilgandan so’ng zagotovka qaytadan transport robotiga uzatiladi. Transport robotlari zagotovkani keyingi operatsiyani bajarish uchun raqamli dastur bilan boshqariladigan ko’p maqsadli dastgohlarning burilma yuklash stollariga uzatadi. Tayyor buyumni transport roboti nazorat qilish uchastkasiga uzatadi.
|
| |
