|
Kitob tanlashda mavsumiy tamoyilga amal qilinadi
|
| bet | 2/7 | | Sana | 22.01.2024 | | Hajmi | 32,42 Kb. | | #143326 |
Bog'liq O’quvchilarda mustaqil kitobxonlikni shakillantirish uchun tavsiya etiladigan adabiyotlar ro’yxatini tuzish 1-4 sinf mehnat, Chiziqli algebraik tenglamalar sistemasini taqribiy yechish usul-fayllar.org, Ajdodlarimiz madaniy merosi., Muhammad al-xorazmiy nomidagi toshkent axborot texnologiyalari u-fayllar.org, Baxronova Jasmina Kurs ishi himoya, KM Янги мустакил иш мавзулари №1-4 (1), Energo-mexanika, 11.organization, ЧОРШАНБИЕВ ЗАФАР ЭСАНПУЛАТОВИЧ, ТУРАЕВ СИРОЖИДДИН ЖУРАҚОБИЛОВИЧ, taqmoq xavfsizligi, 80142, 1 Малакавий ўқув амалиёти кундалик дафтари 2 3 курс, Ish ishlab chiqarish ergonomikasi-fayllar.org Kitob tanlashda mavsumiy tamoyilga amal qilinadi.
Umuman olganda, kitobni to‘g‘ri tanlash sinfdan tashqari o‘qish muvaffaqiyatini ta’minlashning muhim shartidir.
Mustaqil kitobxonlikni shakllantirishga rahbarlikning asosiy shakli maxsus sinfdan tashqari o‘qish darslaridir. Bunday darslar erkin dars hisoblanadi. Mustaqil kitobxonlikni shakllantirish darslarida o‘quvchilarning kitobxonlik qiziqishlari, bilim doirasi, estetik taassuroti, badiiy obrazlarni idrok etishi, ijodiy qobiliyati rivojlanadi; faol kitobxonga xos ko‘nikma va malakalar shakllanadi.
Sinfdan tashqari o‘qish darslari o‘quvchilarning faolligini oshirishga qaratiladi, shuning uchun ularning qurilishi juda xilma-xil bo‘ladi. Har bir dars o‘qituvchi va o‘quvchining ijodi hisoblanadi; darsda qanchalik xilma-xillikka, hayotiylikka erishilsa, maqsadga erishish oson kechadi.
Shularga qaramay, Mustaqil kitobxonlikni shakllantirish darslari o‘z oldiga qo‘yilgan vazifalarni amalga oshirishi uchun ma’lum talablarga bo‘ysunadi. Ular quyidagilardir:
Har bir darsda o‘quvchilar o‘qigan kitoblar (asarlar) hisobga olinadi. Ular o‘qigan va o‘qiyotgan kitoblarini sinfga olib kelib ko‘rsatadilar, ikki-uch o‘quvchi o‘zlari o‘qigan kitob haqida gapirib beradi, darsda o‘zaro fikr almashish holati yaratiladi (bu holat darsdan tashqpri vaqtda ham davom etishi mumkin).
Har bir darsda o‘qish uchun yangi kitob (asar)lar tavsiya qilinadi. Tavsiya qilish shakllari turlicha bo‘lib, ular fikr almashuv, kitobni ko‘rsatish, sinfda ko‘rgazma tashkil etish, o‘quvchilarni qiziqtirish uchun tavsiya qilinadigan kitobdan biror parchani o‘qib berish, rasmlarni ko‘rsatish yoki film namoyish etishdan iborat bo‘lishi mumkin.
Har bir darsda o‘quvchilarga asarni yaxlit holda o‘qitish mumkin. Agar asar hajmi kattaroq bo‘lsa, bu ish ikki-uch dars davomida amalga oshiriladi. Bunda o‘quvchilar o‘zlari o‘qigan kitobdan biror parchani ovoz chiqarib o‘qib berishlari mumkin. Bu jarayonda ichda o‘qishdan ham, she’r yodlashdan ham, rollarga bo‘lib o‘qishdan ham foydalaniladi.
Har bir darsda o‘qilgan asar yuzasidan suhbat metodi orqali tahlil ishlari amalga oshiriladi. Bunda erkin hikoya qilish uchun “Senga asardagi nimalar yoqdi?”, “Bu kitob haqida sen nimalar
ayta olasan?” kabi savollar beriladi va o‘quvchilarning ijodiy hamda mustaqil qayta xikoyalash malakalari shakllantiriladi.
Har bir darsda ma’lum bir yangi kitobxonlik ko‘nikmasi hosil qilinadi: muallif haqida ma’lumotlar to‘plash, kitob nomiga qarab u nima haqda ekanligini aytish, o‘qilgan asarlar yuzasidan ko‘rgazmalar tayyorlash, asarga taqriz yozish, albomlar tayyorlash, kitobxonlik kundaligini yuritish kabi ishlar amalga oshiriladi.
Har bir dars kirish suhbati bilan boshlanadi va sinfda o‘qish darslarida qo‘llanadigan barcha usullardan ijodiy foydalaniladi.
Har bir darsda tahlil qilingan asarlar yuzasidan umumlashtiruvchi, yakunlovchi suhbat uyushtiriladi. Umumlashtirishga ko‘rgazma ham, albom tuzish ham, rasmlarni tatbiq etish ham yordam beradi.
Mustaqil kitobxonlikni shakllantirishga rahbarlikning yordamchi shakllari ham mavjud bo‘lib, ular barcha ishlarni izchil uyushtirishni ta’minlaydi, Mustaqil kitobxonlikni shakllantirish darslari uchun sharoit yaratadi. Bunday shakllarga quyidagilar kiradi:
|
| |
