Titish organlari
a) pichokli, b) arra tishli, v) shakldor tishli disklar,
g)ignali panjara
Avtotitgichlar
Avtotitgichlarning tuzilishi va ishlashida umumiylik mavjud, «Uniflok», «Blendomat», V12SB avtotitgichlar tituvchi organlari bilan, kompyuter boshqaruv dasturining parametrlari bilan bir-biridan farq qiladi. Ular tolalarga ishlov berish harakati bo‘yicha ham farqlanadi:
- to‘g‘ri chiziq bo‘yicha ilgarilanma - qaytma harakat qiluvchi (A-11, B12SB);
- to‘g‘ri va qiya chiziq bo‘yicha ilgarilanma - qaytma harakat qiluvchi (BO-A);
- aylana bo‘ylab «karusel» tarzida harakat qiluvchi (Jingwei).
Ularning unumdorligi 600-1200 kg/soatgacha, titilgan paxta bo‘lakchasining o‘rtacha og‘irligi 20-50 mg.
Avtotoytitgichlar minora, toy titgich, karetka, pnevmosistema, ustunlar va boshqaruv qismlaridan tashkil topgan. Minorada toytitgichning ko‘tarilish, pasayish, burilish, harakat uzatmasi va tola so‘ruvchi-uzatuvchi potrubkalar joylashgan. Stavkadagi toylar ustida pichoqli baraban ilgarilanma-qaytma harakatlanib, har safar stavka chetiga yetgach, belgilangan masofa 4-8 mm ga pasayadi. Stavkadagi toylar kamida 36 ta, ko‘pi bilan 180 tagacha bo‘lishi mumkin. Birinchi tomondagi toylar ishlatilib bo‘lingach, operator minorani vertikal o‘q bo‘ylab 1800 ga buradi va ikkinchi tomondagi toylarini titish boshlanadi.
|
