|
4-kurs 219-guruh talabasi ning texnik ijodkorlik va konstruksiyalash fanidan tayyorlagan kurs ishi
|
| bet | 14/16 | | Sana | 30.12.2023 | | Hajmi | 64,84 Kb. | | #129205 |
Bog'liq 4-kurs 219-guruh talabasi ning texnik ijodkorlik va konstruksiya-fayllar.org-1Xulosa va takliflar
Talabalar ijodiy faoliyatini rivojlantiruvchi asosiy omillardan biri bu yechimini muammoli xolatdan topishi talab etiladigan texnik masalalarni xal etishdan iborat. Texnik masala yechimini topishdagi muammoli xolat deganda yechimi izlanayotgan masalada bir nechta bir-birini inkor qiladigan yechimlar mavjud ekanligi tushiniladi. Ya’ni bunda yechimni tanlashda fikrlar qarama-qarshiligi namoyon bo‘ladi.
Texnik masalalarni yechishda yuzaga keladigan teskariliklarga axborot-anglashdagi, o‘rganish jarayonidagi va mantiqiy fikrlar qarama-qarshiligi kiradi.
Axborot-anglashdagi fikrlar qarama-qarshiligi o‘rganilayotgan xodisa, jarayon yoki predmet mazmunidan kelib chikadi. Misol uchun, tabiatda ishqalanish kuchining doimiy mavjud bo‘lishidir, ya’ni uni to‘la yo‘qotib yuborish mumkin emasligi bilan yuzaga keladigan fikrlar qarama-qarshiligini olaylik. Bir qarashda ishqalanish kuchini biror bir vosita orqali kamaytirish yoki yo‘qotish mumkin. Ammo ikkinchi tomondan biz foydalangan vositada ham ishqalanish kuchi yuzaga kelishi mumkin. Ana shunda fikrlar qarama-qarshiligi yuzaga keladi. Ya’ni nima uchun ishqalanish kuchini to‘la yo‘qotib yuborish mumkin emas. Ana shunda insonda yuzaga kelgan teskarilikni anglash extiyoji tug‘iladi, ya’ni insonda muammoli vaziyatga tushib qolish deb ataladigan psixologik holat sodir bo‘ladi.
O‘rganishdagi fikrlar teskariligi inson o‘zi bilgan bilim ko‘nikmalari orqali yangi o‘rganilayotgan obyektni bilishga intilishida yuzaga keladi. Mantiqiy fikrlar qarama-qarshiligiga esa insonni muloxaza-mushoxada yuritishi natijasida yuzaga keladigan teskarilik misol bo‘ladi.
Texnik masalalarni yechishda yuzaga keladigan teskarilik ijodiy fikrlar qarama-qarshiligi xisoblanadi, ya’ni masala yechimini qidirishda inson ijodiy faoliyatni amalga oshiradi.
Inson ijodiy faoliyatni amalga oshirishni uchun, ya’ni biror-bir texnik masalaning yechimini topishi uchun unda texnik fikrlash ma’lum darajada shakllangan bo‘lishi kerak. Texnik fikrlashni shakllanishi va rivojlanishi uchun yechiladigan texnik masalalar real texnik qurilma, jarayon yoki xarakat bilan bog‘lik bo‘lishi lozim. Bunday masalalarga texnik obyektlarni loyixalash (konstruktorlik) masalalari, texnologik xarakterdagi va texnik qurilmalar modellarini bajarish jarayoni bilan bog‘lik bo‘lgan masalalar misol bo‘la oladi.
Ijodiy konstruktorlik faoliyatini tayyorlash uchun «muammolar qutisi» turidagi masalalarni yechish muhim ahamiyatga ega. Bunday turdagi masalalarni yechishda insonni biror-bir konkret masalani yechishda mavjud bo‘lgan texnik qurilmalar arsenalidan foydalana olishga o‘rgatiladi. Bunday masalalarni quyidagicha izoxlanadi. Yechilishi talab etiladigan masala chizmali tasvir shaklida beriladi. Berilgan texnik qurilmada ayrim detall yoki uzel tushirib qoldirilgan bo‘ladi. Tushirib qoldirilgan qismni bajaradigan funksiyasiga ko‘ra qayta tiklash talab etiladi yoki talabalar o‘zlariga ma’lum mashina-mexanizmlardan birini texnik qurilmaning yetishmayotgan qismini to‘ldirishlari talab etiladi.
|
| |
