|
5-mavzu: Internetdan xizmatlaridan foydalanish, ma’lumotlarni izlash
|
| bet | 1/11 | | Sana | 15.03.2024 | | Hajmi | 340.98 Kb. | | #173554 |
Bog'liq 5-mavzu 6-22 FULL Заземления, portal.guldu.uz-GEN MUHANDISLIGI VA BIOTEXNOLOGIYA, 22.Biologiya yonalishi 2 qism, nutq madaniyati semenar 6-mavzu, Zamonaviy kompyuter texnologiyalarining imkoniyatlari haqida ma, Masofaviy ta’lim texnologiyasi tushunchasini ta’rifla, python, iSpring dasturida nazorat testlari va anketa soʻrovlari yaratish, Expert tizimlari va ularning dasturiy ta’minoti Ekspert tizimlar, Microsoft Access dasturi obektlari. Ms accessning vazifalari va , Topshiriq (34), feruza kurs jumisi 222, Qurilish mexanikasi, Q.mexanika.212-qmbkich, alapa
5-mavzu: Internetdan xizmatlaridan foydalanish, ma’lumotlarni izlash
Internetning kashf etilishi insoniyat hayotida katta o'zgarishlarga sabab bo'ldi. Dunyo aholisining soni hozir yetti milliarddan oshgan bo'lsa, shundan uch milliarddan ziyodi internet tarmog'iga ulangan. 2022-yilgi statistikaga ko'ra, O'zbekistonda ham aholining 88 foizdan ortig'i internetdan foydalanadi va bu raqam yildan yilga o'sib bormoqda.
Internet nima uchun kerak va uning qanday foydalari bor?
Ko'pchilik internetdan yangiliklar o'qish, musiqa tinglash, ijtimoiy tarmoqlardan foydalanish kabi, asosan, ko'ngilochar maqsadlarda foydalanadi. Ammo internet insonlarga taqdim etadigan qulaylik va foydalar faqat bulardan iborat emas.
Oddiy elektron pochta (email) xizmatini olib ko'raylik. Bir necha soniya ichida maktub yozib, uni komputer yoki telefoningizdagi bitta tugmani bosish orqali dunyoning istalgan joyiga bir soniyada jo'natishingiz mumkin. Internetdan oldin bu mumkinmidi? Albatta, yo'q. Buning uchun ilgari an'anaviy pochta yoki telegraf xizmatlaridan foydalanish lozim bo'lgan. Hozir esa bunga hojat yo'q. Yoki internet orqali savdo qilishni olib ko'ring. Hozir uyingizda o'tirib, internet orqali istagan narsangizni sotib olishingiz va uyingizgacha olib kelib berishlarini buyurtma qilishingiz mumkin.
Internet nafaqat siz bilan biz kabi oddiy foydalanuvchilar tomonidan, balki xususiy va davlat kompaniyalari tomonidan ham keng qo'llanilmoqda. Hozir deyarli barcha yirik kompaniyalar o'z xodimlari va mijozlari bilan aloqalarni to'liq internet orqali olib boradi. Yangi mahsulotlarini internet orqali ommaga taqdim etadi, sotadi va boshqa turli xizmatlar ko'rsatadi. Internet hukumatlar ishlarini ham osonlashtirgan. Fuqarolarning deyarli barcha murojaatlari ko'p davlatlarda hozir elektron shaklda amalga oshirilmoqda. Bu qog'ozbozlik, fuqarolarning idoraga borib rasmiylar bilan yuzma-yuz ko'rishishi, navbat kutib uzoq o'tirishi kabi noqulayliklarni kamaytiradi. O'zbekistonda ham xuddi shu maqsadda my.gov.uz loyihasining boshlanganini ijobiy va quvonarli hol, deb aytishimiz mumkin.
|
| |
