|
Geoaxborot tizimining ilmiy asoslariGeoaxborot tizimining ilmiy asoslari
197
ISO 19115-1:2014: Geographic information – Metadata - Part 1.
.
Ushbu
standart geografik ma’lumot va xizmatlarni metama’lumot asosida tavsiflaydi.
Bunda identifikatsiya, oʻlchami, sifati, fazoviy-vaqtli jihatlari, mazmuni,
koordinatalari, tasviriy ma’lumotlari, tarqatilishi va boshqa xususiyatlari
toʻgʻrisida axborot beradi.
I
SO 19153:2014: Geospatial Digital Rights Management Reference
Model (GeoDRM RM)
.
Ushbu standart raqamli ma’lumotlar bozoridagi boshqa
ma’lumotlar, rasm, musiqa va boshqa mediama’lumotlarga oʻxshab raqamli
huquqni beradi. Bunda ushbu huquq asosida geoma’lumotni turli geoportallarga
joylashtirish mumkin boʻladi.
ISO 19145:2013: Geographic information - Registry of representations
of geographic point location.
Ushbu standart geografik nuqtalarning
koordinatalarini qayd qilishni nazorat qiladi.
6.8.
Milliy geoaxborot tizimini yaratishda
standartlarning oʻrni
Milliy geoaxborot tizimi yoki MGATda ortiqcha sarf-xarajatlar va
ma’lumotlar takrorlanishining oldini olish hamda ma’lumotlarning oʻzaro
almashinuvchanligini ta’minlash maqsadida xalqaro standartlarga asoslangan
samarali mahalliy standartlarni yaratish juda muhimdir. Muhim jihati shundaki,
ham mutaxassis, ham foydalanuvchi kelajakda umumiy tizimda ishlay boshlaydi
va bu ma’lumotlarning osonlik bilan almashinishiga imkon beradi.
MGATda standartlashtirishni joriy etish uchun, avvalambor, GAT
standartlashtirish obyekti, uning uslubi, jarayonlari va tashkiliy masalalarini
oʻylab koʻrish kerak. Yana bir muhim jihat – bu standartlashtirish boʻyicha
qoʻmitalarni tashkil etish va unga mas’ul tashkilotlarni biriktirishdir. MGATda
fazoviy ma’lumotlar, raqamli chizmalar, shu jumladan, milliy, mavzuli va turli xil
boshqa kartalarni ishlab chiqish standartlarini joriy etish juda muhimdir.
MGAT standartlari besh fazali jarayon orqali shakllantiriladi. Ulardan
birinchisi bu mavjud talabni oʻrganish va ishlab chiqilishi zarur boʻlgan GAT
standartlar roʻyxatini shakllantirishdir. Ushbu faza milliy fazoviy axborot
|
| |
