6-Mavzu : 1-2 sinflarda musiqa darslarini tashkil etish usullari
1.Birinchi sinfda musiqa o‘qitish metodikasi va
mazmuni
2. Ikkinchi sinfda vokal-xor malakalarini rivojlantirish ishlari
1.Birinchi sinf o‘quvchilarining musiqiy xususiyatlari
Qo‘shiq ijrosini ko‘rsatib berish. Bolalarni o‘rganiladigan qo‘shiq bilan,
uning
yaralish tarixi, ijodkorlari va qo‘shiqning mazmuni bilan tanishtiriladi.
O‘qituvchi o‘zi mazkur qo‘shiqni ijro etib beradi.
O‘qituvchining ijrosi badiiy jihatdan yorqin va ifodali bo‘lishi lozim. Agar
o‘qituvchi o‘zi
ijro etib bera olmasa, qo‘shiqni
magnit tasma yoki boshqa
yozuvlar orqali ham eshittirishi mumkin. Baribir o‘qituvchi qo‘shiqni o‘rgatish
jarayonida o‘quvchilarga qo‘shiqni bo‘laklarga bo‘lib kuylab berishiga to‘o‘ri
keladi. Shuning uchun qo‘shiq qanchalik kichik va sodda bo‘lishiga qaramay,
o‘qituvchi uni yuqori saviyada ijro etib berishi muhimdir.
Qo‘shiq haqida suhbat. Qo‘shiqning
badiiy ahamiyatini aniqlash
maqsadida o‘qituvchi bolalarga qo‘shiqning xarakteri, ifodaviyligi, dinamikasi va
boshqalar haqida so‘zlab beradi. Bu sinfdagi bolalarga ko‘proq quvnoq, sho‘x
xarakterdagi qo‘shiqlar yoqadi. Shuning uchun ularga o‘amgin, qayg‘uli
qo‘shiqlarni o‘rgatish qiyinroq kechadi.
Qo‘shiq so‘zlari va ohangini o‘rganish. Qo‘shiqning
qay darajada
murakkabligiga qarab o‘qituvchi uni so‘zlarini alohida,
kuyidan avvalroq
o‘rgatadi.
Biroq hadeb so‘zlarga berilmay, uni iloji boricha kuy bilan hamohanglikda
o‘rgatish yaxshi natija beradi. O‘qituvchi qo‘shiqni jumlalarga bo‘lib o‘rgatadi.
o‘quvchilar jumlalar haqida tushunchaga ega bo‘ladilar. O‘qituvchi o‘quvchilarga
jumlalarning o‘rtasida nafas olish mumkin emasligini tushuntiradi. Bu jarayonda
musiqa savodiga murojaat qilish kerakli natijani beradi.
