|
Khan Academy (https://khanacademy.org/)
|
| bet | 7/16 | | Sana | 13.05.2024 | | Hajmi | 9,01 Mb. | | #228628 |
Bog'liq 7-ma’ruza Mavzu Ochiq onlain kurslar va ulardan foydalanish. KhKhan Academy (https://khanacademy.org/) — platformasi boshqa MOOClardan farqli ravishda ta’limga interfaollik va oʻyin texnologiyalarini olib kirgan va oʻz davrida birinchilardan boʻlgan mashhur loyiha. Bugungi kunga kelib platforma 36 dan ortiq tilda (oʻzbek tili ham mavjud) 10 mingdan ortiq kichik video darslar yaratgan. Platformada 100 mingdan ziyod interfaol misol va topshiriqlar joy olgan. Khan Academy darslari 190 dan ortiq mamlakatda oʻtiladi va hozirgi kunda 74 milliondan ortiq oʻquvchi platformadan foydalanadi. Asosiy jihati shundaki, platformadan maktab fanlari dasturlari va koʻplab darslar, shuningdek, farzandlari bilan shug‘ullanishi uchun ota-onalarga moʻljallangan metodik qoʻllanmalar joy olgan. Kurslar: matematika, informatika va dasturlash, fizika, astronomiya, kimyo, moliya, iqtisodiyot, biologiya, tibbiyot va boshqa fanlar. Interfeys tili: bir necha tilda (oʻzbek tili ham mavjud). Kurs tili: ingliz va boshqa tillarda.
Lektotium (https://www.lektorium.tv/) notijoriy loyiha boʻlib, oʻquv materillarini ommaviy onlayn ochiq kurslar formatida yaratadi. Shuningdek, suratga olingan videodarslarni joylashtiradi. Platforma maktab oʻquvchilari, ota-onalar, abituriyentlar, mutaxassislar uchun har xil oʻquv dastur va darslarini taqdim etadi. Kurslar: kompyuter bilimlari, muhandis dasturlash, ingliz tili, antropologiya, arxitektura, astronomiya, astrofizika, bioinformatika. Interfeys tili: rus tili. Kurs tili: rus va boshqa tillarda. Subtitr mavjud.
E dX (https://www.edx.org/) Garvard va Massachusets texnologiya institutlari tomonidan 2012-yilda tashkil etilgan boʻlib, dunyo boʻyicha barcha ta’lim oluvchilar uchun yuqori sifatli kurslarni taklif etadi. Platformada Massachusets texnologiya instituti tomonidan oʻquvchilar uchun mexanika boʻyicha kurs ochilgan. Kursning maqsadi — oʻquvchilarga fizikaning murakkab mavzularini tushunishga yordam berish va mustaqil yechim topishga oʻrgatish. Kurs, shuningdek, oʻrta maktab oʻquvchilariga imtihonlarga tayyorgarlik koʻrishda yaqindan yordam beradi. Laboratoriya uchun virtual laboratoriyalarning joylashtirilganligi ham kursning jozibasini yanada orttiradi. Kurslar bepul, faqat sertifikat uchun pul toʻlanadi.
Kurslar: arxitektura, san’at va madaniyat, biologiya va hayot fanlari, biznes va menejment, kimyo, kommunikatsiya, kompyuter bilimlari, ma’lumotlar bazasi va statistika, dizayn, iqtisod va moliya, ta’lim, elektronika, tarix, til, huquq, adabiyot, matematika, gumanitar fanlar, musiqa, tibbiyot, falsafa va boshqalar.
|
| |
