Video-konferensiya
Videokonferensiya turli manzillarda boʻlgan kishilarga kamera
va mikrofon oldida oʻtirgan holda bir-birini koʻrib, gaplashish
imkonini beradi (qarang: 4.09-rasm).
Bu vaqt va safar
xarajatlarini tejaydi.
4.09-rasm. Video konferensiya jarayoni.
Video-konferensiya uchun quyidagi qurilmalar kerak boʻladi:
• video kamera;
• displey ekrani;
• mikrofon;
• karnaylar;
• yuqori tezlikdagi tarmoq / internet aloqasi.
Audio konferensiya
Audio konferensiya – alohida abonentlar orasida telefon
uskunasi orqali oʻtkaziladigan majlisdir.
Shu tarzda u turli
manzillarda boʻlgan kishilarga bir-biri bilan guruh boʻlib
suhbatlashish imkonini beradi.
Koʻpchilikda telefon borligi va undan foydalanish oson ekanligi
sababli audio konferensiya ish majlislarini oʻtkazishning oddiy
usulidir.
Audio konferensiya ishga tushirishning
turli usullari va
texnologiyalari mavjud. Koʻplab telefon kompaniyalari uch
kishilik qoʻngʻiroqni amalga oshirish imkonini taklif etadi.
Bunda siz ikki kishiga ikkita alohida liniyadan qoʻngʻiroq
qilib, keyin guruh hosil qilish uchun ularni birlashtirasiz. Bu
guruhdagi uch kishilik qoʻngʻiroq funksiyasiga ega har bir kishi
suhbatga yana ikki kishini qoʻshish
orqali majlisni kengaytira
olishini anglatadi.
Shuningdek, audio konferensiyani kompyuter va internetdan
foydalanib ham amalga oshirish mumkinligi katta-kichik
turdagi barcha kompaniyalar va jismoniy shaxslarning ushbu
xizmatdan foydalanishiga imkon yaratadi.
