|
9-sinf Informatika va axborot texnologiyalari
Pdf ko'rish
|
| bet | 92/382 | | Sana | 22.11.2023 | | Hajmi | 132,8 Mb. | | #103163 |
Bog'liq IAT 9-sinf Talabalar-uchun-darslikAqlli ish uslublari
Videokonferensiya va VOIP (Voice over IP) kabi texnologiyalar
yordamidagi onlayn hamkorlik oʻtmishdagi baʼzi ish
uslublarini oʻzgartirib yuborgan. Oʻquv tadbirlarini endilikda
videokonferensiya dasturlari yoki internet telefoniya
yordamida vebinarlar hamda sinxron telekommunikatsiyalar
orqali onlayn shaklga oʻtkazish mumkin. Bunda trening,
konferensiya va uchrashuvlar uchun ijtimoiy tarmoqlarga
oʻxshash dasturlar yordamida hamkasblar real vaqtda onlayn
yoki nosinxron tarzda uchrashadi. Baʼzi kompaniyalar koʻp
beriladigan savollarga javob berish uchun avtomatlashtirilgan
telefon xabarlaridan foydalanadi. Koʻp mijozlar bunday
shaxssiz telefon muloqotlarni yoqtirmaydi, lekin bu operator
xodimlar sonini qisqartirish orqali kompaniyalarning ancha
mablagʻni tejaydi. Xuddi shuningdek, avtomatlashtirilgan
telefon marketing hamdir. Virusli marketing kishilarni
marketing materiallarini bir-biriga ulashishga undaydi, natijada
broshyuralar va varaqalarni tarqatish kabi baʼzi anʼanaviy
marketing usullari bilan bogʻliq ish oʻrinlarning qisqarishiga
sabab boʻladi.
KALIT SOʻZLAR
VOIP: Ovozni internet orqali yuborish protokoli.
AT sababli ish bilan bandlikning oshishi
Yuqorida tasvirlangan baʼzi ish oʻrinlarining qisqarishi
kuzatilgan boʻlsa-da, veb-sayt dizaynerligi, kompyuter
dasturchiligi va yetkazib berish haydovchiligi kabi boshqa
sohalarda ish bilan bandlik darajasi oshgan.
Veb-sayt dizaynerlari
Veb-sayt dizaynerlarining ishi faqat internet paydo boʻlgandan
keyin boshlandi va mehnat bozorida nisbatan yangi soha
hisoblanadi. Dastlab, faqatgina ilgʻor amaliy kompyuter
koʻnikmalariga ega kishilar veb-saytlar ishlab chiqa olgan.
Hozirgi kunda esa kompyuter foydalanuvchilarining salmoqli
qismi oʻz veb-saytlarini ishlab chiqish va yaratishni uddalay
oladi, chunki dasturlar foydalanishga qulay va intuitivdir.
Bundan tashqari, veb-sayt yaratish uchun mavjud bepul
manbalar va dasturlar paketlari soni bir necha yil oldingiga
qaraganda nisbatan koʻp.
Kunning har daqiqasida internetga millionlab veb-saytlar
qoʻshilmoqda va bu hozirda millionlab kishilar veb-sayt
yaratayotganini anglatadi. Veb-saytlarni qanday qilib ishlab
chiqish va yaratish oʻn besh yilcha oldin taʼlim muassasalarida
oʻqitilmagan, lekin hozirda oʻrta va oliy taʼlim dargoxlarida veb-
saytlarni loyihalashtirish va yaratish boʻyicha koʻplab kurslar
mavjud (5.03-rasm).
5.03-rasm. Sayt ishlab chiqayotgan oʻquvchilar.
|
| |
