64
6-bob:
AKTni tatbiq etish
Taʼlim maqsadlari
Bu bob yakunida quyidagi bilimlarga ega boʻlasiz:
■
kommunikatsiya, maʼlumotlarni
boshqarish, oʻlchash va modellashtirish dasturlari;
■
boshqaruv dasturlarida mikroprotsessorlardan foydalanish;
■
ishlab chiqarish sohalaridagi dasturlar;
■
maktab
boshqaruv tizimlari;
■
buyurtma qilish tizimlari;
■
bank dasturlari;
■
tibbiyot, kutubxonalar va chakana savdo sohasidagi dasturlar;
■
ekspert
tizimlar;
■
tanib olish tizimlari;
■
nazorat va kuzatuv tizimlari;
■
sunʼiy yoʻldosh tizimlari haqida bilib olasiz.
6-bob haqida umumiy maʼlumot
Ellik yil avval, insonlar kundalik hayotlarida AKTdan
foydalanmagan. Hech kimning uyida kompyuter ham,
mikroprotsessorli jihozlar ham boʻlmagan.
Bugun, aksariyat
kishilarda mobil telefon bor; ular hayotni
osonlashtirish uchun AKTdan foydalanadigan koʻplab
qurilmalarga ega uylarda yashaydi. Ish joyida, xoh u
maktabingiz boʻlsin,
xoh siz ishlaydigan tashkilot, hoynahoy,
kompyuter tomonidan boshqariladigan qurilmalardan
foydalaniladi.
Bu bobda biz hayotimizning keskin oʻzgarishiga sabab boʻlgan
AKTning kundalik qoʻllanishini koʻrib chiqamiz.
6.01 Kommunikatsiya
dasturlari qamrovi
Anʼanaviy ravishda,
biz asosan maktub yozish, yozma
hisobotlar, axborot byulletenlari, telefon va yuzma-yuz
uchrashuvlar
orqali muloqot qilib kelganmiz, ammo AKTdan
foydalanish shaxsiy darajada bir-birimiz bilan muloqot qilish
usulimiz, shuningdek, yoʻl-yoʻlakay tashkilotlarning oʻzaro
muloqot qilish usulida katta oʻzgarishlarga sabab boʻldi.
Biz bir qator ilovalar, jumladan, qurilmalar va dasturlar,
ularning odamlarga taʼsiri hamda tashkilotlarga qanday taʼsir
oʻtkazganini koʻrib chiqamiz.
Tarqatma xatlar
Maktab, universitet va klub kabi tashkilotlar
ota-onalar yoki
oʻquvchilar yoxud oʻz aʼzolari uchun doim tarqatma xatlar
ishlab chiqqan (6.01-rasm).
Matn bilan ishlash dasturlari xatolarni osongina tahrirlash
imkonini beradi, imlo va grammatikani tekshirish dasturlari
esa sifatni yaxshilashga yordam beradi.
Matn protsessorlari va/yoki Bosma nashrlarni tayyorlash
(DTP – Desktop Publishing) dasturidan foydalanishda,
hujjatlarni juda aqlli
usullarda formatlash uchun, tugmani
bosishning oʻzi kifoya:
