KALIT SOʻZLAR
Malakasizlantirish: malaka talab etiladigan ishni qilib
kelayotgan kishilarning oʻrnini kamroq koʻnikmaga ega
operatorlar tomonidan boshqariladigan texnologiyalar
egallashi,
shu tarzda, kompaniyada pul tejalishi.
Ish joylaridagi ATga ixtisoslashuv
Bugunning AT tizimlari ish joyida yanada ixtisoslashgan
kompyuter koʻnikmalari va qobiliyatlarini talab qiladi.
Dunyodagi talab eng yuqori boʻlgan ishlarning 80% AT
sohasiga aloqador. Ish turlari jadallik bilan oshib bormoqda,
chunki har bir ish turi juda ixtisoslashgan AT koʻnikmalari
va qobiliyatlarini talab qiladi. Bularning baʼzilari “bir umrlik”
ish emas,
aksincha, qisqa muddatli shartnoma asosidagi
ishga aylangan. Bundan tashqari, baʼzi ixtisoslashgan AT
amaliy koʻnikmalari kishini qisqa
muddat ichida dunyoning
bir chekkasidan ikkinchi chekkasiga olib bora oladi. Mehnat
bozoriga kirayotgan yoshlar orasida bir vaqtning oʻzida
bir nechta kompaniya va tashkilotlar bilan bittadan koʻp
shartnoma tuzish hollari tez-tez uchrab turadi. Kompyuter
fanlari sohasida oʻqigan, lekin ixtisosligi veb-ilovalar emas,
maʼlumotlar bazasi boʻlgan kishi bunga misol boʻla oladi.
Bularning har biri juda xususiy amaliy koʻnikmadir,
ikkala soha
vakili ham oliy taʼlimda kompyuter fanlari sohasida oʻqigan
boʻlsa-da, bir-birining ishini qila olishi shart emas. Muqobil
ravishda, kishilar dasturlash boʻyicha ilmiy daraja dasturida
oʻqigan boʻlishi shart emas, balki bepul MOOC (Massive Open
Online Courses - ommaviy ochiq onlayn kurslar)dan
biri orqali
veb-ilovalar yoki maʼlumotlar bazasi boʻyicha bitta kursni
oʻrgangan boʻlishi mumkin.
