5.02 Tashkilotlarning ish
uslublariga ATning taʼsiri
Oʻtmishda aksariyat ishlar har hafta dushanbadan jumagacha
erta tongda boshlanib, tushdan
keyin taxminan beshda
yakunlanardi. Biroq endilikda AT masofadan turib ishlash va
qayerda boʻlishingizdan qatʼi nazar, ofis bilan aloqada boʻlish
imkoniyatining jiddiy omili boʻldi. Bu shuni anglatadiki, ish
har tong boradigan joyingiz boʻlishi shart emas,
aksincha, u
xodimni ham, ish-beruvchini ham qoniqtirsa, istalgan yerdan
va istalgan paytda bajarilishi mumkin boʻlgan mashgʻulotga
aylanmoqda. Masalan, yuqori tezlikdagi keng polosali va
mobil tarmoqlar orqali virtual uchrashuvlarni oʻtkazish
imkonini beradigan dasturlardan foydalanish mumkin.
Universitetlar onlayn
kurslar taklif eta oladi, bunda oʻqituvchi
va talabalarning barchasi turli mamlakatlarda boʻlgan holda,
nosinxron tarzda aloqa qilish uchun universitet forumlaridan
foydalaniladi. Kommunikatsiya dasturi tufayli, siz loyihalar
yoki hujjatlar ustida ishlash uchun masofadan turib ish
beruvchining LAN tarmogʻiga kira olasiz,
shartnomalar va
hujjatlarni elektron pochta orqali almashish yoki mavjud turli
dasturlar yordamida sinxron yigʻilishlar oʻtkazish mumkin.
Ish odatlaridagi oʻzgarishlardan yana biri shuki,
kompaniyalar
