I BOB.
SMM — IJTIMOIY MEDIA
MARKETING
O‘QUV MAQSADI
Bu bobda:
SMM haqida qisqacha tushunchaga
ega bo‘lasiz;
SMMning afzalliklari va kamchiliklari;
SMM platformalari;
SMM platformalari ichidan eng
samaralisini qanday tanlash haqida
bilib olasiz.
KO‘NIKMA
Bob yakunida Siz:
SMM platformasida ro‘yxatdan o‘tish;
SMM
platformalarini sozlash;
SMM platformasida ma’lumot almashish ko‘nikmalariga
ega bo‘lasiz.
VOSITALAR
YouTube;
Facebook;
Telegram;
Instagram.
5
1-
dars
. SMM (SOCIAL MEDIA MARKETING —
IJTIMOIY MEDIA MARKETING) HAQIDA
1-dars. SMM (SOCIAL MEDIA MARKETING —
IJTIMOIY MEDIA MARKETING) HAQIDA
Internet tarmog‘ining rivojlanishi hamda uning jamiyat hayotida muhim o‘rin egallashi bugungi
kunda jahon miqyosida keng ommalashgan ijtimoiy tarmoqlarning paydo bo‘lishiga
zamin
yaratdi. Dunyo aholisining aksariyat qismi, shu
jumladan, yoshlar o‘z media mahsulotlari hamda
biznes loyihalarini ijtimoiy media
marketing orqali reklama qilib, daromad manbaiga ega
bo‘lishmoqda.
Ijtimoiy media ko‘plab interfaol
foydalanuvchilarga
ega internet platforma bo‘lib, u internet tarmog‘i
ishtirokchilari tomonidan to‘ldirib boriladi. Bunday
platformalar umumiy qiziqishi bir xil bo‘lgan
foydalanuvchilarning bitta guruh ichida o‘zaro
muloqot qilishiga imkon yaratadi. Ijtimoiy mediaga
hamkorlikdagi blog, ijtimoiy tarmoq va boshqalar
kiradi.
BUNI BILASIZMI?
DIQQAT
SMM deganda nimani tushunasiz?
Sizningcha, SMM nima uchun kerak?
Brend nima?
Ijtimoiy media marketing (SMM — social media marketing)
—
mahsulot va xizmatlarni targ‘ib qilish, xaridorlarni
jalb qilish hamda
mahsulotlarni to‘g‘ridan to‘g‘ri sotish faoliyatini ijtimoiy medialarda amalga oshirish.
TAYANCH TUSHUNCHALAR
Ijtimoiy media
— ko‘plab faol foydalanuvchilarga ega internet platforma.
SMM (ijtimoiy media marketing)
— marketing faoliyatining ijtimoiy mediada amalga oshirilishi.
Brend
— bir mahsulotning boshqa mahsulotlardan farqlanib turuvchi dizaynga ega belgisi.
Maqsadli auditoriya
— mahsulotingizni sotib olish yoki xizmatingizdan foydalanish ehtimoli
yuqori bo‘lgan shaxslar.
Kontent
— maqsadli loyiha
uchun yaratilgan sahifa, videorolik yoki tasvir.
Platforma
— o‘zining imkoniyati va funksiyalari orqali boshqa tizimlarni yo‘lga qo‘yishga
xizmat qiluvchi “o‘zak dastur”.
Millionlab foydalanuvchilar o‘z vaqtining aksariyat qismini ijtimoiy tarmoqlarda o‘tkazadi:
maqola o‘qishadi, rasm tomosha qilishadi, do‘st-birodarlari bilan suhbatlashishadi. Bunday
katta auditoriya marketing faoliyatini yuritish uchun eng katta yutuq hisoblanadi. Shu sababli,
ijtimoiy media marketing tez sur’atlarda rivojlanib bormoqda.
