| Organik sintez
Bu fermentni ko’plab birikmalar organik sintezida ishlatish oziq-ovqat, farmatsevtika va kosmetika uchun toza stereoizomerlar olish imkonini yaratadi.
Lipaza ishtirokida olib boriladigan sintez kimyoviy sintez oldida qator ustuvorlikka ega.
-Birinchidan, fermentativ sintez, qimmatbaho, maxsus uskunalar (yuqori bosim va haroratga chidamli bo’lgan) talab qilmaydi;
-Ikkinchidan, har xil aralashmalar yoki qo’shimcha moddalardan xoli bo’lgan, toza mahsulot olishga imkon yaratadi.Bu esa olinadigan mahsulotni qo’shimcha tozalashni talab qilmaydi.
-Uchinchidan, har xil substrat spetsifikligiga ega bo’lgan lipazalarni ishlatish orqali xususiyatlari oldindan aniq bo’lgan mahsulot olish mumkin.
Lipazalardan organik sintezda foydalanishga misol qilib, glikozidlarni atsillangan efirlarini mikroblarga va shamollash uchun ishlab chiqariladigan farmatsevtik preparatlar tarkibiga qo’shiladigan emulgatorlar olishni ko’rsatish mumkin.
α-gidroksikislota hosilalari terini yallig‘lanishiga qarshi hamda moddalarni teri epidermis qavatidan yaxshi so’rilishini ta’minlovchi sifatida ishlatiladi.
Xushbo’y hid beruvchi moddalar va spirt efirlari ham lipaza ishtirokida sintez qilinadi.
Lipazalarni yuqori darajada selektivligi monomerlar aralashmasidan optik faol polimerlar olish imkonini yaratadi.
| 