International Conference on Developments in Education
Hosted from Toronto, Canada
https:
econferencezone.org
April 15
th
-16
th
2022
14
TA’LIM JARAYONIDA KOMPETENSIYAVIY YONDASHUVNING
MOHIYATI VA BILIMLARNI O‘ZLASHTIRISH JARAYONINING
O`QUV FAOLIYATIDAGI AHAMIYATI.
Sh.T.Haqberdiyeva
Termiz davlat
universitetining Pedagogika
instituti asistenti
Annotatsiya.Ta’lim jarayonida kompetensiyaviy yondashuvning mohiyati - o‘quvchilarda turmushda
vujudga keladigan muammolarni avval o‘zlashtirgan bilim, ko‘nikmalari va tajribalari asosida hal qilish
layoqatlarini rivojlantirishdan iborat bo‘ladi.
Boshqacha qilib aytganda, kompetensiyalar davlat va
jamiyatning ta’lim tizimi oldiga qo‘ygan ijtimoiy buyurtmasi hisoblanadi. Demak, kompetensiyaviy
yondashuv ta’lim tizimi oldida turgan dolzarb masaladir.
Kalit so‘zlar: Kompetensiya, fan
tushunchalari, kreativlik, texnologiya, kommunikativ,
samaradorlik,
an’anviy, mantiq, bilim, ko‘nikma malaka va h.k.
O‘quvchining kompetensiyasi – o‘quvchilar egallagan bilim, ko‘nikma va malakalarini
kundalik hayotida duch keladigan amaliy va nazariy masalalarni yechishda
foydalanish va amaliyotda
qo‘llay olish qobiliyatidir.
Kommunikativ axborot tizimining kun sayin kengayib, ma’lumotlarning keskin oshib borayotgani,
ulardan ta’lim-tarbiya jarayonida foydalanish uchun
vaqtning chegaralanganligi, o‘sib kelayotgan avlodni
hayotga har tomonlama mukammal tayyorlash talab-ehtiyojlari,
ayni paytda, jamiyatni ijtimoiy
rivojlantirishning ilmiy asoslangan, istiqbolli
rejasini ishlab chiqish, uning ustuvor yo‘nalishlarini belgilab
olish o‘quv tizimiga ilg‘or pedagogik texnologiyalarni tatbiq etishni taqozo etadi. Mamlakatimizning taraqqiy
etgan mamlakatlar qatoridan o‘rin olishi uchun aholi ta’limini jadallashtirish va uning samaradorligini oshirish
maqsadi ham ilg‘or pedagogik tadbirlardan, texnologiyalardan keng foydalanishimizni talab etmoqda.
