165
Platformaning havolasi:
https://hangouts.google.com/
Google Hangouts - 2013 yilda taqdim etilgan kompaniyaning bir qator
xizmatlarining vorisi hisoblanadi.
Afzalliklari
Ushbu vosita kalendarlar va Gmail pochtalariga bog‘langanligi
uchun qulay
hisoblanadi. Ya'ni, Google kalendari orqali uchrashuvni belgilash orqali avtomatik
ravishda Google Hangouts xonasiga havola yaratiladi.
Google Hangouts plaginini mashhur Slack dan guruhli video qo‘ng‘iroqlar
uchun ishlatish mumkin (messenjer bizning
tanlovimizga kiritilmagan, chunki u
ko‘proq jamoalararo muloqotga qaratilgan).
Google Hangouts qo‘shimcha ro‘yxatdan o‘tishni
yoki faollashtirishni talab
qilmaydi: agar Google hisob qaydnomasi mavjud bo‘lsa, Hangouts ro‘yxatdan o‘tishi
ham mavjud deb hisoblaniladi. Platformalar o‘rtasida ma’lumot almashinish va
suhbat tarixi shuningdek video qo‘ng‘iroqlarni sinxronlashtirishda muammo yo‘q.
Kamchiliklar
Xizmat beqaror sharoitda videokonferensiyalar
bilan juda yaxshi kurasha
olmaydi. Bepul versiya maksimal 10 nafar ishtirokchini qo‘llab-quvvatlaydi - ammo
mahalliy yig‘ilish avtomatik ravishda YouTube ga uzatilishi mumkin.
2017 yilda ushbu vosita asosida bir vaqtning o‘zida korporativ
foydalanuvchilar uchun ikkita xizmat paydo bo‘ldi:
Hangouts Meet va Hangouts
Chat. 2018 yil oxirida foydalanuvchilarning yangi xizmatlarga o‘tishi bilan Google
Hangouts yopilishi haqida e’lon qilindi. Jahondagi
vaziyatni hisobga olgan holda,
Google yaqin oylarda bunga jur'at eta olmaydi. Koronavirus tufayli kompaniya,
aksincha, mart oyining boshidan beri videokonferensaloqa
ishtirokchilarining ruxsat
etilgan sonini 250 taga yetkazdi.
Ta'kidlash joizki, Google Hangouts Pexip shlyuzi orqali Skype for Business
kabi boshqa videokonferensaloqa vositalari bilan o‘zaro
aloqa qilish imkoniyatiga
ega. Bu har bir ishlab chiquvchi raqobatbardosh xizmatlar bilan o‘zaro aloqada
bo‘lmasdan, o‘z protokollari va kodeklaridan foydalanadigan
videoaloqa bozoridagi
muhim qadamdir.
