|
Badiiy grafika fakulteti
|
| bet | 23/37 | | Sana | 21.06.2021 | | Hajmi | 7.77 Mb. | | #15154 |
Surxandaryo do’ppilari
Surxondaryo do’ppido’zlik maktabida milliy kashtachilik amaliy bezak san’atining o’ziga xos jozibador xalqchil uslublari saqlanib qolinganki, bunday do’ppilarni xalq sevib, boshidan tushirmay kelmoqda. Ayniqsa, boysun, dashnobod do’ppilarga razm solar ekansiz, ulardagi mukammal rang-barang naqshlar jilosiga qarab xalq qalbining jo’shqinligi, tabiatga yaqin, hamnafas ekanligini his qilasiz.
“To’ldirma”, “pulakcha”, “tangacha” yoki “lolagul” deb ataluvchi do’ppilarni yigitlar va erkaklar kiyadilar. Bunday do’ppilar asosan patli baxmaldan tayyorlanganligi sabab, “patdo’zi” deb ham nom olgan. Xotin- qizlar kiyishiga mo’ljallangan “munchoq” yoki “shabanok” deb nomlanuvchi do’ppilar esa shaklan dumaloq, ularga mayda munchoqlar tizib gul tikib tayyorlanadi. Do’ppilarining kizagiga “yo’rmado’zi” usulida tayyorlangan jiyak qadab bezatiladi. Erkak va ayollar do’ppilarining jiyaklari gul nusxalariga qarab farqlanadi. Do’ppiga jiyak tikib bo’lingach, jiyakning tutashgan joyiga turli rangdagi ipaklardan popukcha qadab bezatiladi.
|
| |
