| V. Markazda pedagogik faoliyat bilan shug‘ullanish
25. Oliy ta’lim muassasalari va kasb-hunar kollejlarining tegishli ma’lumotiga hamda kasbiy tayyorgarlikka, yuksak axloqiy fazilatlarga ega shaxslar Markazda pedagogik faoliyat bilan shug‘ullanishga haqli.
Shuningdek, zarur hollarda, tegishli pedagogik ma’lumotga ega bo‘lmagan, ammo kasbiy tayyorgarlikka va yuksak axloqiy sifatlarga hamda “Usta”, texnik va sayyohlik sohasi bo‘yicha “Sport ustasi” yoki “Sport ustaligiga nomzod” maqomiga ega bo‘lgan shaxslar ham Markazda pedagogik faoliyat bilan shug‘ullanishga jalb qilinishi mumkin.
Oldingi tahrirga qarang.
26. Markazda to‘garak mashg‘ulotlarini o‘tkazishga asosan umumta’lim maktablari, akademik litseylar va kasb-hunar kollejlari o‘qituvchilari o‘tilgan mashg‘ulotlar hajmiga proporsional ravishda soatbay haq to‘lagan holda shartnoma asosida jalb etiladi.
(26-band O‘zbekiston Respublikasi Vazirlar Mahkamasining 2017-yil 12-maydagi 275-sonli qarori tahririda — O‘R QHT, 2017-y., 20-son, 361-modda)
27. Sud hukmi bilan yoki tibbiy xulosaga ko‘ra pedagogik faoliyat bilan shug‘ullanishi taqiqlangan shaxslarning Markazda ushbu faoliyat bilan shug‘ullanishiga yo‘l qo‘yilmaydi.
Markaz pedagog xodimlarining faoliyati o‘quvchilar shaxsini, ularning madaniy saviyasini, faolligini, mustaqilligini, mas’uliyatliligini, ongli, intizomli, uyushqoq va tartibli bo‘lishini rivojlantirishga yo‘naltirilgan bo‘lishi lozim.
Oldingi tahrirga qarang.
28. Markaz to‘garak rahbarlarining haftalik ish yuklamasi 24 soatni tashkil etadi.
(28-band O‘zbekiston Respublikasi Prezidentining 2016-yil 27-dekabrdagi PQ-2699-sonli qarori tahririda — O‘R QHT, 2016-y., 52-son, 601-modda)
|
