“Iqtisodiyot va innovatsion texnologiyalar” (Economics and Innovative Technologies) ilmiy elektron jurnali
345
http://iqtisodiyot.tsue.uz
Mavzuga oid adabiyotlar tahlili
Tanlangan tadqiqot yoʻnalishi doirasida axborot texnologiyalarining biznesni
rivojlantirish va barqarorligiga ta’siri masalalari etarlicha oʻrganilmagan.
Shu bilan birga,
shuni ta’kidlash kerakki, ilmiy adabiyotlarda koʻrsatilgan mavzuga oid tadqiqotlarning har
biri keng yoritilgan.
Md’lumki, raqamlashtirish va barqaror rivojlanish masalalari bilan tahliliy agentliklar
va xalqaro tashkilotlar shugʻullanishadi. Raqamlashtirish boʻyicha
tadqiqotlarda asosiy
muammo atamaning noaniq ta’rifi va tushunchalarni almashtirishdir. Bu savollar rus
tadqiqotchilari V. Dravits , A. Kurbatskiy[2], A.A. Kryukova [3] , S.A. Tolkachev [7] va boshqa
bir qator mualliflar asarlarida ochib berilgan.
“Raqamlashtirish” tushunchasining ta’rifini ishlab chiqishga
urinishlar xorijiy va rus
mualliflarining tadqiqotlarida ham mavjud. Masalan, Ming Zeng [6], E.V. Mayminov,
T.A. Puzini[4]lar shular jumlasidandir. Bundan tashqari ushbu tushunchaga oʻzbek
olimlaridan S.Gʻulomov, R. Ayupov, A.Bobojonov va M.Abdullayevlar ham oʻzlarining
raqamli iqtisodiyotga oid asarlari hamda maqolalarida alohida toʻxtalib, qator ta’riflarni
berib oʻtgan.
Shu jihatdan ham mazkur tadqiqot maqsadi axborot texnologiyalarining biznesdagi
rolini oshirishning hozirgi tendentsiyalarini oʻrganishdan iborat boʻlib, maqola doirasida
taqqoslash, tahlil qilish va sintez qilish kabi tadqiqot usullari qoʻllanilgan.
