29-Mavzu:Andozalarga qo’yiladigan talablar.
Reja:
1. Andoza turlari
2. Andozaga qo’yiladigan talablar
3. Andozalarning vazifasi
Tayanch iboralar:
konstruksiya, asosiy, ichki, xosila-etalon,
ikkilamchi andozalar,
tanda ip, arqoq ip, kertik
Andoza turlari
. Andazalar tayyorlashdan avval buyum detallarinish chizmasida
vitochkalarning hamma o’tmas burchaklarga (agar konstruktsiyada mavjud bo’lsa), yon
qirqimlar, ort bo’lak o’rta qirqimi, yeng qirqimlari, yubka va
shim qirqimlari burchaklar
uchidan mumkin qadar kam chetga chiqish bilan silliqlanadi.
Keyin ort va old bo’laklar detallarining, yeng bo’laklarining yubkaning old va ort
bo’laklarining va shim bo’laklarining bir-biri bilan biriktirilgan
chiziq va qirqimlarining
tutashmasi tekshiriladi.
Buyum konstruktsiyasining chizmalari bo’yicha asosiy va hosila andazalarning asl
nusxasi tayyorlanadi, ularda chok va bukish qo’yim haqlari ko’rsatiladi.
Bu andazalar
texnik usullarda ko’paytirilgandan keyin asosiy, hosila va yordamchi etalon-andazalar va
hamma bo’y hamda razmerlarda ish andozalari tayyorlanadi.
Andozaga qo’yiladigan talablar
. Asosiy va hosila etalon-andozalarda va ish
andozalarida detallarni bichish uchun texnik talablarga ko’ra quyidagi belgilar ko’rsatiladi:
tanda ipining yo’nalish chizig’i; tanda ipidan yo’l qo’yilgan chetga chiqishlar;
buyumlarning tarmoq standartlari bo’yicha uloqlarining joylashgan
chiziqlarida maksimal
va minimal eni; nazorat belgilari — kertiklar (detallarni ulashda bir-biriga moslash uchun).
Yordamchi andozalarda cho’ntaklar vitochkalar, taxlamalar, izmalar, tugmalar va h.k.
o‘rmi belgilanadi.
Etalon-andazalar ish andazalarini vaqt- vaqtida tekshirib turishda ishlatiladi. Ular
eksperimental sexda saqlanadi va o’lchamlar jadvali bo’yicha
kamida chorakda bir marta
tekshiriladi.
