|
Ikkita signal nuqtasining sxemasi
|
| bet | 4/10 | | Sana | 25.11.2022 | | Hajmi | 65.39 Kb. | | #31818 |
Bog'liq PXBT nazariya2.4 Ikkita signal nuqtasining sxemasi
Peregon signal uskunalarining zamonaviy sxemalari AB, DK yaxlit va yagona sxemalari hamda poyezdlarning ikki tomonlama ALSN yo‘l qurilmalari (RS kodlashtirish) poyezdlar vaqtinchalik ikki tomonlama harakatini peregon yo‘llaridan biri bo‘ylab uyushtirilishini hisobga olgan holda loyihalashtiriladilar.
Namunaviy loyiha yechimlaridagi har bir signal uskunasi tipi ikki prinsipial sxemadan tashkil topadi − signal uskunasi sxemasi va o‘z ichiga shuningdek DK sxemasi va uskuna elektr ta’minotini olgan RS sxemasi. Blok-uchastka egallanganida, uni to‘sib turgan svetoforda qizil chiroq yonib turadi. Qizil chiroq lampasining asosiy yoqilish zanjiri J1 relesining ichki kontakti va o‘t relesi O ning quyi omli chulg‘ami orqali o‘tadi . Qizil chiroq lampasining qo‘shimcha ipini yoqish zanjiri J1 relesining ichki kontaktlari, O relesining front (tashqi) kontakti va OD relesining yuqori omli chulg‘ami orqali o‘tadi. Lampaning asosiy ipi kuyganida rele O toksizlanib, u ichki kontakti bilan rele OD ning quyi omli chulg‘ami orqali qo‘shimcha ip zanjirini tutashtiradi. Qizil chiroq yonishi va kodlashtirish davom etadi. Lampaning qo‘shimcha ipi kuyganida rele OD toksizlanib, rels zanjirini kodlash to‘xtaydi. Qizil chiroqning butun yonib turish vaqtida rele J1,Z1 larning ichki kontaktlari va o‘t relesi RO yuqori omli chulg‘ami orqali sariq chiroqli lampa qo‘shimcha ipi zanjiri tutashtiriladi va uning yaxlitligi sovuq holatda ham nazorat qilinadi. Poyezd ikkinchi uzoqlashish uchastkasida joylashib, svetoforda sariq chiroq yonib turadi. Lampa asosiy ipini yoqish zanjiri rele J1 ning front kontakti va ichki Z1, rele RO ning quyi omli chulg‘ami orqali o‘tadi. Svetoforda sariq chiroq yonadi. Lampaning qo‘shimcha ipi rele J1,RO larning front kontaktlari, rele OD ning yuqori omli chulg‘ami orqali yoqilgan bo‘lib, uning butunligi sovuq holatida nazorat qilinadi. RS va svetoforlarning ikki ipli lampalarini yoqish namunasi 5 A-rasmda ko‘rsatilgan. Sariq chiroq yonib turgan vaqtida qizil chiroq lampasining asosiy ipi yaxlitligi sovuq holatida rele J ning front kontakti va rele O ning yuqori omli chulg‘ami orqali o‘tgan zanjir bo‘ylab nazorat qilinadi.
Sariq chiroqli lampa ipi (simi) kuyganida rele RO toksizlanib, u ichki kontakti bilan rele OD ning quyi omli chulg‘ami orqali lampaning
qo‘shimcha ipini yoqib, sariq chiroq yonishda davom etadi. Qo‘shimcha ip kuyib qolganida OD toksizlanadi. Svetofor qorayganicha qolib, rels zanjirini kodlash ham davom etadi. Sariq chiroqli lampa iplarining kuyishi kodlash zanjirida aks ettirilmaydi.
Poyezd ikkinchi uzoqlashish uchastkasida joylashgan, svetoforda yashil chiroq yonib turibdi. Yashil chiroqning asosiy va qo‘shimcha iplari butunligi sariq chiroqli lampadagi kabi nazorat qilinadi.
Signal qurilmalarining sxemalari ularning tipi bilan bog‘liq. Loyihada turli-tuman (asosan kirish oldi va yakka) qurilmalar sxemalari ko‘rsatilgan bo‘lishi shart. Ana shu sxemalardan birida deshifrator DA yoyiq holda ko‘rsatilishi shart. Juftlangan va kirish oldi signal qurilmalari namunalari (rele shkaflari) 5-rasmlarda keltirilgan.
RS sxemasida ikki tomonlama harakatda impul’sli yo‘l relesining relslarga ulanishi sekinlashish bilan tushib qoladigan PDT relesi vositasida RS induktiv elementlarida zaxiralangan elektr magnit energiyasining so‘rilib ketishi uchun yetarli vaqtga tutilib qolishiga e’tibor qaratish kerak.
|
| |
