|
Boshlangʻich ta’lim” yoʻnalishi 209-guruh Bajardi: Eshmurodova Sabrina Tekshirdi: V b prof Dehkanova m toshkent-2024
|
| bet | 1/6 | | Sana | 21.05.2024 | | Hajmi | 142,55 Kb. | | #248867 |
Bog'liq Eshmurodova Sabrina
OʻZBEKISTON RESPUBLIKASI MAKTABGACHA VA MAKTAB TA’LIM VAZIRLIGI
NIZOMIY NOMIDAGI TOSHKENT DAVLAT PEDAGOGIKA UNIVERSITETI
KURS ISHI
Mavzu: Oʻquvchilarda shaxslararo muloqot madaniyatini shakllantirish
“Boshlangʻich ta’lim” yoʻnalishi
209-guruh
Bajardi: Eshmurodova Sabrina
Tekshirdi: v.b prof Dehkanova M
TOSHKENT-2024
MUNDARIJA
KIRISH
ASOSIY QISM
Muloqotning milliy-madaniy xususiyatlari va uni oʻquvchilarga singdirish muammolari
Boshlangʻich sinf oʻquvchilarida shaxslararo munosabat madaniyatini shakllantirishning hozirgi holati
Oʻquvchilarda shaxslararo muloqot madaniyatini shakllantirishda oilaning o‘rni
Boshlangʻich sinf oʻquvchilarining shaxslararo muloqot madaniyatini shakllantirishda ta’limiy oʻyinlarning ahamiyati
XULOSA
FOYDALANILGAN ADABIYOTLAR
KIRISH
Kurs ishining dolzarblligi: Hozirgi rivojlanayotgan jamiyatda muloqotning mohiyati va uning jadallashuvi muntazam ortib bormoqda. Bu bir qator sabablar bilan bevosita bogʻliqdir. Birinchi navbatda insoniyatning sanoatlashgan muloqotdan axborotlashgan muloqotga oʻtishi axborotlar koʻlamining kengayishiga olib kelmoqda. Shuning uchun axborotlar almashinish jarayoni ham jadallashmoqda. Ikkinchi sabab shundaki, ishchi xodimlarning ixtisoslashuvi ularning kasbiy faoliyatning turli sohalariga bandlik oʻz maqsadlariga erishish uchun birlashish va hamkorlikka kirishishlarini taqozo qilmoqda. Shu bilan bir qatorda, oʻzaro axborot almashishga xizmat qiladigan texnik vositalarning miqdori va koʻlami kengaymoqda. Jumladan, elektron manzillar, internet saytlari, fakslar, mobil telefonlar bunga misol boʻla oladi. Oʻta muhim sabablardan yana biri shuki, ijtimoiy rivojlanish va fan-texnika taraqqiyoti bizni muloqot koʻlamining kengayishi va rivojlanishi haqida oʻylashga majbur qilmoqda. Shuning uchun oʻquvchilarda muloqot madaniyatini shaklantirish muammosi oʻz tadqiqini kutmoqda. Bu oʻquv mehnati faoliyati bilan band boʻlgan yoshlarning oʻzaro muloqotidir. Oʻzbekiston Respublikasi Prezidentining 2017- yil 7-fevraldagi PF-4947-sonli “Oʻzbekiston Respublikasini yanada rivojlantirish boʻyicha harakatlar strategiyasi toʻgʻrisida” Farmoniga koʻra “Uzluksiz ta’lim tizimini yanada takomillashtirish, sifatli ta’lim xizmatlari imkoniyatlarini oshirish, mehnat bozorining zamonaviy ehtiyojlariga mos yuqori malakali kadrlar tayyorlash siyosatini davom ettirish” dolzarb masala ekanligi belgilandi. Jumladan, maktab tizimida yuqori malakali kadrlar tayyorlash tizimiga alohida e’tibor qaratilmoqda. Biz ta’lim va tarbiya tizimining barcha boʻginlari faoliyatini bugungi zamon talablari asosida takomillashtirishni oʻzimizning birinchi darajali vazifamiz deb bilamiz. Yosh avlod tarbiyasi haqida gapirganda, Abdurauf Fitrat bobomizning mana bu fikrlariga har birimiz, ayniqsa, endi hayotga kirib kelayotgan oʻgʻil- qizlarimiz amal qilishlarini men juda-juda istardim. “Xalqning aniq maqsad sari harakat qilishi, davlatmand boʻlishi, baxtli boʻlib izzat-hurmat topishi, jahongir boʻlishi, yoki zaif boʻlib horlikka tushishi, baxtsizlik yukini tortishi, e’tibordan qolib, oʻzgalarga tobe va qul, asir boʻlishi ularning oʻz ota-onalaridan bolalikda olgan tarbiyalariga bogʻliq ”. Nutq fikrni bayon etish vositasi boʻlibgina qolmay, uni shakllantirish quroli hamdir. Fikr nutqning psixologik asosi vazifasini bajaradi, uni oʻstirish sharti esa fikrni boyitish hisoblanadi. Aqliy faoliyat tizimini egallash asosidagina nutqni muvaffaqiyatli oʻstirish mumkin. Shuning uchun oʻquvchilar nutqini oʻstirishda materialni tayyorlash, takomillashtirish, mavzuga tegishlisini tanlash, joylashtirish va mantiqiy fikrlashga yoʻnaltiradigan ish turlariga katta ahamiyat beriladi.
Inson doim komillikka intiladi. Komillikning asosiy belgilaridan biri madaniy nutqdir. Shuning uchun ham qadimdan butun mashriqu magʻribda yoshlar nutqini rivojlantirishga, madaniy nutqni shakllantirishga alohida ahamiyat berganlar. Xususan, Yusuf Xos Hojibning “Qutadgʻu bilik”, Ahmad Yugnakiyning “Hibat ul Haqoyiq”, Alisher Navgʻaoiyning “Hayratul abror”, “Muhokamat ul – lugʻatayn”, Zahiriddin Muhammad Boburning “Boburnoma”, Abulgʻozi Bahodirxonning “Shajarai turk” asarlarida soʻz qadri, soʻz qoʻllash san’ati, soʻz qoʻllashning inson hayotida tutgan oʻrni haqida ibratli fikrlar bayon qilinadi. Xususan, “Muhokamat ul – lugʻatayn”da aytilishicha, soʻz goʻyoki, bir durdir, durning doimiy makoni dengiz tubi boʻlsa, soʻzning muntazam makoni koʻngildir. Dur gʻavvos tarafidan dengiz tubidan chiqarilib, jilvalantirilsa va uning qiymati javhariga koʻra baholansa, soʻz sohibi ixtisos tomonidan koʻngildan tashqariga olib chiqiladi va notiqning qiymati soʻz qoʻllash mahoratiga, uni jilvalantirish qobiliyatiga qarab belgilanadi.
|
| |
