18
5-amaliy ko‘nikma
Hujjatlarni qulay nom bilan saqlash
Hujjatni nomlayotganingizda, uni qisqa vaqtda
tezda topa olishingizga
ishonchingiz komil bo‘lishi kerak. Demak, siz hujjatni ochib tekshirmasdan ham
uning ichida qanday axborot borligini bildiradigan nom tanlashingiz zarur.
“Mening_xatim” nomi
sizga bu xatligini eslatadi, lekin bu boshqa ma’lumot
bermaydi. Agar hujjatlaringiz ichida koʻplab xatlar saqlagan boʻlsangiz, ushbu
nom bilan uni qayta topishingiz qiyin boʻladi.
Hujjatingizni nomlayotganingizda quyidagi koʻrsatmalarga amal qiling:
• fayl nomi juda uzun boʻlmasin;
• u hujjatda nima borligini ko‘rsatib tursin;
• fayl nomida boʻsh joy boʻlmasin.
Fayl nomida boʻsh joy boʻlishi ayrim dasturlar uchun fayl nomini oʻqishda
qiyinchilik tugʻdiradi, shu sababli undan foydalanmasligingiz tavsiya etiladi.
Boʻsh joy oʻrniga pastki chiziqdan foydalanishingiz mumkin.
Bu kichik chiziq
boʻlib, uni har bir soʻz orasiga yozish mumkin, masalan, “Mening_xatim.docx”.
Pastki chiziq belgisi klaviaturada joylashgan.
5.1-mashg‘ulot
Daftaringizga quyidagi savollarga javob yozing. Darsligingizga yozmang.
Siz doʻstingizga yozgan xatingizni hujjat sifatida saqlamoqchisiz.
Ushbu
xatda matn bilan ishlashga oid yangi ko‘nikmalaringiz haqida yozilgan. Xatni
“Mening_xatim” deb saqlamoqchi boʻldingiz, lekin
ushbu nom fayl uchun mos
keladigan fayl nomi emasligini tushunib yetdingiz.
Quyidagi nomlardan qaysi biri fayl uchun mos deb o‘ylaysiz? Nima uchun?
MatnniQaytaIshlashHaqidagiDoʻstimgaYozganXatim
MQI_Haqida_Xat
DoʻstimgaXat
Ushbu nom nima uchun mos ekanligi haqida fikringizni yozing.