Ko‘rsatma
101
5
Qidiruv tizimlarida ishlashni boshlash
Mening mamlakatim
Sizga bir tadqiqot loyihasi bajarish uchun topshirildi. Mamlakatingiz haqida
quyidagilarni oʻz ichiga olgan hisobotni tayyorlashingiz kerak:
• Yer sharining qayerida joylashgani;
• iqlimi;
• hududining o‘lchami va shakli;
• aholisi;
• va yana beshta boshqa fakt.
Tadqiqot boʻyicha hisobotingizni yozish uchun ma’lumotlarni butunjahon
internet tarmog‘idan qidirishingiz kerak boʻladi.
1-mashg‘ulot
Mamlakatingiz haqida ko‘proq axborot olish uchun kitobdan foydalaning va
indeksga qarang.
2-mashg‘ulot
Qidiruv tizimiga mamlakatingiz nomini yozing va qanday natijalar chiqishini
koʻring.
Eng yuqoridagi uchta qidirish natijasini tahlil qiling.
Ulardan birortasi sizga kerakli maʼlumotlarni berdimi?
3-mashg‘ulot
Qidiruv tizimiga mamlakatingiz joylashgan qitʼaning nomini kiriting va qanday
qidiruv natijalari chiqishini koʻring.
Bu safargi qidiruv natijalari farq qildimi?
Javobni taqdim etadigan manbani aniqlash oson bo‘ldimi?
Bunda qidiruv natijalarining yaxshiroq roʻyxati hosil bo‘ldimi?
Ssenariy
102
4-mashg‘ulot
Qidiruv tizimiga “mamlakatingizning [nomi] qayerda?” deb kiriting va qanday
qidiruv natijalari chiqishini koʻring.
Bu safar qidiruv natijalari avvalgisidan farq qiladimi?
Javobni taqdim etadigan manbani aniqlash oson bo‘ldimi? Foydalanish
mumkin boʻlgan boshqa savol oʻylab topa olasizmi?
Nima deb oʻylaysiz, kalit soʻzlar bilan qidirish osonmi yoki savol bilan?
5-mashg‘ulot
Mamlakatingiz iqlimi haqida bilib olish uchun bir nechta kalit soʻzlarni oʻylab
toping.
Kalit soʻzni qidiruv tizimiga yozing va qanday natijalar chiqishini koʻring.
Eng yuqorida turgan uchta qidiruv natijalarini tahlil qiling.
Ulardan birortasi sizga iqlim haqida kerakli maʼlumotlarni berdimi?
6-mashg‘ulot
Mamlakatingiz iqlimi haqida ma’lumot olishda yordam beradigan savolni
oʻylang.
Savolni qidiruv tizimiga yozing va qanday natijalar chiqishini koʻring.
Bu safar qidiruv natijalari avvalgisidan farq qildimi?
Iqlim haqidagi ma’lumotlarni taqdim etuvchi veb-sahifa axborotlarini ko‘rish
osonmi?
Nima deb oʻylaysiz, kalit soʻzlar bilan qidirish osonmi yoki savol bilanmi?
7-mashg‘ulot
Mamlakatingiz hududining o‘lchami va shakli hamda uning aholisi soni haqida
axborot olish uchun oʻzlashtirgan koʻnikmalaringizdan foydalaning. Keyin esa
oʻzingiz o‘rganadigan beshta faktni oʻylang.
Ishonchli manba bo‘la oladigan qidiruv natijasini aniqlay olasizmi?
Manbaning ishonchli yoki ishonchsizligini aniqlashga yordam beradigan yana
biror dalil keltira olasizmi?
8-mashg‘ulot
Tanlagan mamlakatingiz haqida maʼlumotni kitobdan qidirish osonmi yoki
qidiruv tizimidan? Nega bunday deb oʻylaysiz?
| 