|
Desmurgiya Reja: Desmurgiya to`g`risida tushuncha. Bog`lamlar turlari
|
| bet | 1/7 | | Sana | 02.03.2024 | | Hajmi | 2.13 Mb. | | #165616 |
Bog'liq Desmurgiya 5-илова, 2, 1477041741 65859, 20, Global informatsion texnologik rivojlanish revolyutsiyasi chuqurlashuvi
Desmurgiya
Reja:
1.Desmurgiya to`g`risida tushuncha.
2.Bog`lamlar turlari.
3.Yumshoq bog`lamlar.
4.Qattiq bog`lamlar.
Desmurgiya – desmo - bog`lam, ergon - ish, qo`llash degan ma’noni anglatadi. Desmurgiya tananing turli qismlariga davolash va profilaktika maqsadida to`g`ri bog`lam qo`yishni o`rganadigan fandir.
Bog`lam kompleks davolash muolajasi bo`lib, uning quyidagi vazifalarni o`z ichiga olgan turlari mavjud:
Himoyalovchi - jarohatni tashqi muhitning zararli ta’siridan himoya qilish uchun qo`yiladi.
Fiksatsiyalovchi - davolash, dori-darmon vositalarini tananing muayyan sohasida, ma’lum vaqtgacha ushlab turish uchun qo`yiladi.
Immobilizatsiyalovchi - tananing muayyan qismini ma’lum vaqtgacha harakatsiz, tinch ushlab turish uchun qo`yiladi.
Tortib turuvchi - kasallangan sohani ma’lum vaqtgacha tortib turish uchun qo`yiladi.
Korrektsiyalovchi - nuqsonli, qiyshaygan sohalarni to`g`rilash turish uchun qo`yiladi.
Bog`lamlar ikki guruhga bo`linadi:
Yumshoq bog`lamlarga - leykoplastirli, kleolli, yelimli, kolloidli, BF-6 yelimi bilan, ro`molli (kosinkali), bintli, elastik to`rlar (retelast) yordamida yoki maxsus tayyorlab olingan gazmol qirqimi (konturli) bog`lamlar kiradi.
qattiq bog`lamlarga - gipsli, kraxmalli, tsink-jelatina pastali, dekstrinli, tselluloidli bog`lamlar hamda suyuq shisha bilan qo`yiladigan bog`lamlar kiradi.
YUMSHOQ BOG`LAMLAR:
Leykoplastirli bog`lam - katta bo`lmagan jarohatlarini salfetka bilan berkitilib yopishqoq plastir yordamida teriga mahkamlanadi. Kamchilligi terini matseratsiyasiga sabab bo`ladi.
Kleolli – avval jarohatlar atrofidagi junlar qirilib tozalab olinishi kerak, so`ngra jarohat steril salfetka bilan berkitilib, atrofiga kleol surtaladi va doka yopishtirib qo`yiladi. Dokaning yopishmay qolgan qismi qaychi bilan kesib qo`yiladi. Kleol qarag`ay yelimini spirt va efirda teng miqdorda qo`shib tayyorlanadi. Kamchilligi bog`lam yetarli darajada yaxshi yopishmaydi va teri kleoldan ifloslanadi.
|
| |
