| Yo’l ishlarini olib borish joylarida harakatni tashkil etish chizmasini tuzishda quyidagi talablar bajarilishi zarur.
a) yo’l ishlari bilan yuzaga keladigan havfdan transport vositalari haydovchilarini va piyodalarni oldindan ogohlantirish;
b) qatnov qismdagi mavjud to’siqni aylanib o’tish yo’nalishini, tuzatilayotgan yo’l qismini aylanib o’tish yo’li qurilganda esa uning yo’nalishi(marshruti)ni aniq belgilash;
c) yo’l ishlari olib borilayotgan qismlarga kelishda qanday bo’lsa, ularning o’zida ham shunday transport vositalari va piyodalarga havfsiz harakat tartibini yaratish.
Vaqtinchalik yo’l belgilarini, qatnov qismga chiziqli belgi qo’yish, to’suvchi va yo’naltiruvchi qurilmalar va boshqa texnik vositalar yo’l ishlarini olib borish joylarida xarakatni tashkil etishni asosiy vositasi hisoblanadi. Vaqtinchalik yo’l belgilari deganda faqat yo’l ishlari olib borilayotgan vaqtda o’rnatladigan belgilar tushiniladi.
Yo’l belgilarini haydovchilar yaxshi tushinishlari uchun bir tayanchda ikkitadan ortiq bo’lmagan belgi va bitta ma’lumot jadvali o’rnatish tavsiya etiladi, bunda taqiqlovchi belgi bilan cheklas kiritilish sabablarini tushinarli bo’lishi uchun ogohlantiruvchi belgilar o’rnatish tavsiya etiladi.
Belgilar, to’suvchi va yo’naltiruvchi qurilmalarni o’rnatishni ish joyidan ancha uzoqroq, shu bilan birga birinchi navbatda yo’l ishlari bilan band bo’lmagan qism oxirida amalga oshirish lozim. Avval yo’l belgilari, so’ngra to’suvchi va yo’naltiruvchi qurilmalar o’rnatiladi. Belgilar, to’suvchi va yo’naltiruvchi qurilmalar olib tashlash teskari ketma-ketlikda bajariladi.
YO’LNING ASOSIY KO’RSATKICHLARI
| 