|
“Iqtisodiyot va innovatsion texnologiyalar” ilmiy elektron jurnali. №6, noyabr-dekabr, 2020 yil 260Bog'liq туризм ривожлантириш Шамаева О.Ю. Архитектура компьютера. Конспект лекции. removed, jadidchilik namoyondalari asarlarida eski maktab faoliyatining yoritilishi, MEg6JPDlMrmPVDyfWYOyhuUezxzWouCOrK3mzZc1, Ma\'lumotlar bazasi (Sh.Nazirov, A.Ne\'matov, R.Qobulov, N.Mardonova), Zoologiya 7- inf mavzulashtirilgan, 15-мавзу амалий, Baģıt boyınsha tuwındı hám gradient, Boshqaruvning tashkiliy tuzilishi, 6666666, 2.GEODEZIK O‘LCHASH ISHLARI O\'.A Dasturi, 2.Qishloq xo‘jalik texnikalarini elektr jixozlari va elektronikasi (o‘quv amaliyoti) dasturi, 9-ma\'ruza, 13.01.2024, Презентация Microsoft PowerPoint, 5-lek.Тадқиқот методологияси
Тадқиқот жараёнида туризмни ривожлантириш бўйича хорижий давлатларнинг
илғор тажрибалари ўрганилди. Туризм бўйича расмий статистик маълумотлардан
фойдаланилди.
Мақолада назарий мушоҳада, тизимли ёндашув, кузатиш, умумлаштириш,
қиёсий таҳлил, синтез каби усуллардан самарали қўлланилди.
Изланишлар натижалари
Бирлашган Миллатлар Жаҳон Туризм Ташкилоти (United Nations World Tourism
Organization (UNWTO)) маълумотларига кўра, бутун жаҳон ялпи ички маҳсулотининг
10,4%и (2017 йилда унинг ҳажми 8,3 трлн. АҚШ долларига тенг бўлди), дунёдаги
инвестицияларнинг 7%и, солиқ тушумларининг 5%и, жаҳондаги истеъмолчилик
харажатларининг 11%и ва ҳар 16 та янги яратилаётган иш ўрнининг биттаси айнан
туризм ва меҳмондўстлик индустриясининг ҳиссасига тўғри келмоқда. Мазкур
тармоқда аҳолининг иш билан бандлик даражаси 2016 йилга нисбатан 103% га ўсди ва
2017 йилда туризм ва сайёҳлик соҳасида бевосита 118,4 миллион киши (жаҳондаги
умумий бандларнинг 3,8%и) иш билан банд бўлган бўлса, билвосита (туризмга хизмат
кўрсатадиган тармоқлар билан бирга) 313,2 миллион киши фаолият кўрсатмоқда[7].
Грузия сўнгги бир неча йилда чет эллик туристлар сонини уч марта оширгани
билан мақтовга сазовор бўлди[8]. Ушбу мамлакат ажойиб таомлари, ноёб маданий
мероси, самимий ва ҳаётсевар халқи билан машҳур. Бироқ бошқа кўплаб
мамлакатларнинг гастрономик ва маданий мероси ҳам шундай ноёб бўлишига
қарамай, улар дунё сайёҳлари назаридан четда қолмоқдалар. Грузиянинг аксарият
давлатлар учун визани бекор қилгани ўз навбатида сайёҳлар сонининг кескин ошишига
сабаб бўлди. Аввал мамлакатга ҳар йили 100 мингдан камроқ сайёҳ келган бўлса,
сўнгги 20 йилда уларнинг сони 6,5 миллион кишига етди. Аҳолининг кам
таъминланган қисми 2006 йилда 32,5 фоизни ташкил этган бўлса, 2017 йилга келиб,
1,63 фоизга қадар, яъни икки баробарга қисқарганлиги кузатилган. Мустақил
кузатувчилар фикрича, бунга, асосан, туризм соҳасининг ривожланиши сабаб бўлган
ва 2018 йилда мамлакатнинг ялпи ички маҳсулоти 7,5 фоиз ўсган[2].
Мамлакатимизда ҳам туризмни ривожлантириш борасида бир қатор ислоҳотлар
амалга оширилмоқда. Хусусан, Туризмни ривожлантириш давлат қўмитаси ва унинг
минтақавий тузилмалари штат бирликларининг оширилгани, ҳудудларда туризм
департаментлари ва бошқармалари, ҳоким ўринбосарлари лавозимлари ташкил
этилгани мазкур ташкилотларнинг имкониятларини кенгайтирда катта рол ўйнамоқда.
Ўзбекистон Республикасининг “Туризм тўғрисида”ги Қонуни 2019 йил 18 июлда
қабул қилинган, унда соҳанинг ҳозирги ривожланиш босқичидан келиб чиққан ҳолда
янги тушунчалар киритилди, туризм бўйича давлат сиёсатининг принциплари ва
асосий йўналишлари белгиланди. Шунингдек, туристик фаолият субъектлари
|
| |
